Ушбу маърузалар матни таълим сощаси «Кимёвий технология ва биотехнология» йыналишларида бакалаврлар тайёрлаш учун «Органик, но

Ацетилендан винилхлорид ишлаб чиқариш

Саноат миқёсида ацетилендан винилхлорид ишлаб чиқариш газ фазали гетероген каталитик жараёндир. Катализатор активланган кўмирга Сулеманинг сувли эритмасини шимдириб, сўнг қуритиш йўли билан тайёрланади. Сулеманинг захарлилигини ва ацетиланнинг портлаш хусусиятини эътиборга олган ҳолда ҳавфсизлик техникаси ва мехнат мухофазасига жиддий эътибор қаратиш лозим.
Хомашёлар яхшилаб қуритилиши ва HCl ни бироз мўлроқ (5-10%) олиниши талаб қилинади. Ҳароратни 160-180C сақлаш лозим.
Ишлаб чиқариш технологик схемаси Расм. 13. да келтирилган. Тозаланган ацетилен 1-оловтутгичдан ўтиб, 2-рассолли совитгичда сув буғлари конденсатланиб, 3-ишқорли колоннада қуритилади. 4-қориштиргичда HCl билан қориштирилиб, 5-қувурли реакторга юборилади. Реакция жараёнида 93% винилхлорид ҳосил бўлади. Газлар аралашмаси таркибида 5% HCl, 0,5-1,0% C₂H₂ 0,3% ацетальдегид ва 1,1-дихлорэтан бўлиб, улар ўз таркибида сулема буғларини ҳам сақлайди. Газ 6-совитгичда сувутилиб, 7,8,9 скрубберларда 20% ли хлорид кислота, сув ва айланма ишқор билан ювилиб HCl ва сулемадан тозаланади. Сўнг 10-рассолли совитгичда қуритилиб, 11-компрессор билан 0,7-0,8 МПа гача сиқилади. Аралашма 12 ва 13- ректификацион колонналарда кетма-кет оғир фракциялар-қолдиқлар (1,1-дихлор этан) ва енгил қолдик (ацетилен, ацетальдегид) лардан ажратилади.

Расм. 13. Ацетиленни гидрохлорлаш йўли билан винилхлорид олиш технологик схемаси:

1–оловтутгич; 2, 6, 10–совитгичлар; 3–қуритгич колонна; 4–қориштиргич; 5–реактор; 7, 9–скрубберлар; 11–компрессор; 12, 13–ректификацион колонналар; 14–сепаратор; 15–дефлегматорлар; 16–қайнатгич.

Назорат учун савол ва топшириқлар:

1. 
   Галогенлаш жараёни деб қандай жараёнга айтилади?
   
2. 
   Галогенлаш термодинамикасини изоҳланг.
   
3. 
   Қандай галогенловчи агентларни биласиз?
   
4. 
   Нима учун галогенлаш жараёнида ҳавфсизлик техникасига алоҳида эътибор берилади?
   
5. 
   Галогенлаш қандай назарий ва кимёвий асосларга эга?
   
6. 
   Суюқ ва газ фазали хлорлаш технологик тизими қандай босқичлардан иборат?
   
7. 
   Ион-каталитик галогенлаш, хлоргидринлаш ва дегидрогенлаш қандай амалга оширилади?
   
8. 
   Винилхлорид ишлаб чиқаришда ацетилендан фойдаланишнинг қандай авзалликлари бор?