Ushbu kitobdan joy olgan hikoyalar

USHBU KITOBDAN JOY OLGAN HIKOYALAR

1. 
   Qizil atirgul
   
2. 
   Do’stlikning hayotbaxsh kuchi
   
3. 
   Eng muhim sabab
   
4. 
   Mehr zarralari
   
5. 
   Ajrimdan keyin
   
6. 
   Ko’p tarmoqli vijdon
   
7. 
   (K) O’chirilmagan xotira
   
8. 
   Ziyoli boboning hiylasi
   
9. 
   O’g’ri
   
10. 
    Buvimning arvohi
    
11. 
    Hamma narsa ko’ringanidek emas
    
12. 
    Oppoq qog’oz va qora dog’
    
13. 
    Tu’g’ma ishonch
    
14. 
    Qo’shaloq to’y
    
15. 
    Futbol – putbol
    
16. 
    Amaliyot o’qituvchisi
    
17. 
    Yuragim to’la mehr
    
18. 
    Yotoqxonadagi boylik
    
19. 
    Ikkinchi turmush ostonasida
    
20. 
    Tomoshabin ota
    
21. 
    Arslonning zarbasi
    
22. 
    Hayotning shirasi
    
23. 
    Qaynonasi bor kelin
    
24. 
    Qo’shni ayolning sabog’i
    
25. 
    Mening bolam Eynshteyn
    
26. 
    Bo’g’irsoq amaki
    
27. 
    Opa – singil
    
28. 
    Arg’imchoq
    
29. 
    Bo’yinbog’ bog’lashni bilasizmi?
    
30. 
    Abituriyent sabog’i
    
31. 
    Uqqan usta
    
32. 
    Olisdagi yaqinlar
    
33. 
    Bolalarning nasibasi
    
34. 
    Qo’shnining soyasi
    
35. 
    Onamning daldasi
    
36. 
    Salom, Yaponiya
    
37. 
    Katta yurakli singil
    
38. 
    Siz nima qilyapsiz?
    
39. 
    Har kim o’z istagan narsani ko’radi
    
40. 
    Munosabat
    
41. 
    Uchinchi tilak
    
42. 
    Baxt ortidan
    
43. 
    Xiyonatlardan keyin
    
44. 
    Bebaho duo
    
45. 
    Folbinga ishonib
    
46. 
    Oqsoq o’g’ri
    
47. 
    Adolatli hakam
    
48. 
    Oqibatning ildizi
    
49. 
    Chegarasiz orzular
    
50. 
    Takrorlangan imtihon
    
51. 
    To’rtinchi qiz
    
52. 
    Baxt o’qituvchisi
    
53. 
    Xaloskor
    
54. 
    Haqiqiy tuxfa
    
55. 
    Baho
    
56. 
    Soxta oltin
    
57. 
    Nogolis niyat
    
58. 
    O’chirilmagan raqam
    
59. 
    Yer ostidagi meros
    
60. 
    Kechirmoq bu…
    
61. 
    Buvimning merosi
    
62. 
    Kutilmagan yordam
    
63. 
    Orzular ushaladi
    
64. 
    1 dollarlik uy
    
65. 
    So’lmagan gullar
    
66. 
    To’g’ri munosabat
    
67. 
    Afrika hayoli
    
68. 
    Go’zallik bahosi
    
69. 
    Jarroh
    
70. 
    Askar kundaligidan
    
71. 
    Qutaruvchi
    
72. 
    Qorbobo ham yosh bo’ladimi?
    
73. 
    Uydagi ilk bayram
    
74. 
    Qo’shnining iltifoti
    
75. 
    O’zbekona raqs
    
76. 
    Ko’chada o’tinchi, uyda sulton
    

QATRALAR

Xamma narsamizni yo’qotgan chog’imizda ham umid doimo biz bilan. Uning yana bir xususiyati atrofdagilarga ulashsak ham kamayib qolmaydi.

QIZIL ATIRGUL

Dengizchi uch yil davomida umrida ko’rmagan ayoldan xat olib turdi. Ayolning ismi Roza edi. Uning nomalarini o’qib javob yozar ekan, qalbida allaqanday taskinni tuyardi. Bora-bora ayolga g’oyibona oshiq bo’ldi. Ular bir-birlarining maktublarisiz yashay olmaydigandek edilar.

Yigitning xizmat muddati tugashi bilan uchrashishga axd qildilar. Uchrashuv vaqti – kech soat 17⁰⁰, joyi – vokzal. Yigit va qiz umrida bir – birini ko’rmaganligi uchun shartli belgi sifatida atirgulni tanladilar. Ya’ni qiz pidjagini yoqasiga atirgul qistirib olishi kerak edi.

Yigit o’ylanib qoldi: ayolni umrimda ko’rmaganman, u qanaqa ekan? Yoshmi, qarimi, chiroylimi, xunukmi, oriqmi, semizmi?

Yigit kelishgan joyga yetib keldi. Soat millari 17:00 ni ko’rsatishi bilan ayol ko’rindi: yoshi oltmishlarda! Dengizchi shart burilib ketib yuborishi mumkin edi, ammo bunday qilmadi. Chunki u dengizda oylab qolib ketganida shu ayol taskin beruvchi, yolg’izligini bildirmaydigan maktublar jo’natgan, bayramlarda sovg’alar yuborgan, uni og’ir damlarda qo’llab – quvvatlagandi. Ayol bunday munosabatga loyiq emasdi.Shu sabab yigit uning oldiga dadil qadamlar tashlab bordi, o’zini tanitdi, qo’lini uzatdi va: “Siz Rozamisiz?” deb so’radi. Ayol yigit adashayotganini, Roza uning orqasida turganini aytdi.Yigit orqasiga o’girildi va yosh, bir go’zal qizni ko’rdi. Keksa ayolning aytishicha, qiz undan qizil atirgulni yoqasiga qadab olishini iltimos qilibdi. Agar yigit qaytib ketganda qiz uni butunlay unutishga axd qilgan ekan. Bu bir sinov edi va yigit undan sharaf bilan o’tdi.

DO’STLIKNING HAYOTBAXSH KUCHI

Qizaloq 13 yoshida oqqon kasalligiga chalindi. Ota-onasi, yaqinlari va shifokorlarning jon – jahdi bilan qilgan muolajalari natija berdi, 2 yil deganda dard chekindi. Ammo uzoq davom etgan kimyoterapiya natijasida uning sochlari to’kilib ketgan edi.Bundan qiz sho’rlik juda o’ksindi. Shifokorlar maktabga qatnashga ruxsat berishdi, ammo qiz taqir bosh bilan maktabga bormayman, deb turib oldi. Tunu kun yig’lardi. Bir kun darvozalari taqqiladi. Chiqib qarasa sinfdoshlari. 9 kishi turishibdi. Barchasi sochini taqir qilib olibdirib tashlashgan.Ular orasida 3 tasi qiz bola edi.Qiz qattiq ta’sirlandi. Yugurib uyga kirib kiyinib chiqdi va maktab tomon yo’l oldi.

ENG MUHIM SABAB

-O’smir paytim ko’p kitob o’qirdim, shundanmi, bilmadim juda ta’sirchan, har narsaga xafa bo’laveradigan qiz edim. Yana o’tish davrining o’ziga xos muammolari, sevimli dadajonimni bevaqt yo’qotgandim… Xullas, negadir xayolimda o’zimni o’ldiraman degan fikr aylanadigan bo’lib qoldi. Bora – bora u qat’iylasha boshladi. Bir qog’ozga yashash va o’lish uchun sabablarni ikki ustunga ajratib yozdim. O’lish uchun sabablarim ko’proq chiqdi. Keyin bu qog’ozni yonimda olib yuradigan bo’ldim. Vaqti – vaqti bilan uni o’qib turar yashash uchun sabablar bo’limiga nimadir qo’shgim kelardi–yu , qo’sholmasdim.Borgan sari tushkunlikka tushaverdim. Bir kuni sirli ro’yxatimni partaning ustida qoldiribman. Qaytib kelib uni ochganim- da, yashash sabablari qatorida katta harflar bilan yozib qo’yilgan shu so’zlarni ko’rdim: O’LISHGA HAQQING YO’Q, CHUNKI SEN JUDA CHIROYLISAN! Buni kim yozganini hanuz bilmayman, ammo o’sha paytda bu so’zlar meni hayotga qaytargandi.

MEHR ZARRALARI

Ispaniyalik shifokor Karla ko’ngilli sifatida Afrikaga ketdi. Somali davlatidagi qishloqda ishlay boshladi. Bir kun tushlik payti oynadan tashqariga qarab endigina buterbrodni tishlamoqchi bo’lib turgandi, o’rindiqda o’tirgan 8 yoshlar chamasi juda oriq bolakayni ko’rib qoldi. Rahmi keldi:”Qorni ochdir”. Bolaning yoniga bordi va buterbrodning yarmini bo’lib berdi. Qilgan ishidan ichida mamnun ham bo’ldi:”Men shu bolaning qornini to’ydirdim, yaxshilik qilish qanday maza!” Lekin bolakay negadir u kutgandek yegulikni darrov og’ziga olib bormadi. Maktab tomonga yugurib ketdi. Karla qiziqib ortidan poyladi. Bolakay nariroqqa borib devor ortida turgan o’rtoqlariga buterbrodni bo’lib bera boshladi. Ular 20 nafar edi! Karla yaxshilik qildim deb kibrlanganidan uyaldi. Yana mehrning eng mayda zarralar qadar cheksizligini ko’rib yig’lab yubordi.