Urug’li mevalardan kompot ishlab chiqarish texnologiyasi

Dumini olish. Olcha va gilosning dumi uzilgan joyida oshlovchi moddalar oksidlanib qora dog’ hosil bo’lmasligi uchun ular konservalash korxonasiga dumi bilan olib kelinadi. Undan tashqari dumi oldindan uzilganda uning ichiga infektsiya kirib olishi mumkin. Olcha va gilosning dumi yuvishgacha rotorli yoki chiziqli mashinalarda olinadi. Meva chiziqli mashinaning yuklash bunkeridan juft-juft o’rnatilgan va turli tomonlarga aylanadigan rezina valiklardan iborat egik ishchi qismiga keladi. Rotorli mashinaning aylanasi bo’ylab ustiga rezina qoplangan po’lat tsilindrik barabaniga keladi. Valiklar tsilindr bilan birgalikda hamda o’z o’qi atrofida aylanadi. Valiklar meva sig’maydigan, ammo meva dumi o’tadigan kichik zazor bilan o’rnatilgan. Natijada olcha va gilos dumi uzib olinadi. CHiziqli mashina meva va valiklarni chayib turuvchi dushlarga ega. O’xshash mashinalar rezavorlar dumi va gulkosasini olish uchun ishlatiladi. Ammo ular kerakli darajada yaxshi ishlamaydi. – rezavorlarning bir qismiga zarar yetkazadi va xom ashyoni to’la
tozalamaydi. Olxo’rining dumi inspektsiya vaqtida olinadi.
Danakni olish. Yirik o’rik va shaftoli danagi olinadi. Bolalar uchun kompot ishlab chiqarishda olcha va gilosning ham danagi olinadi.
CHiziqli o’rik va shaftolini danagini urib chiqarish mashinasi inlar yasalgan cheksiz lentadan tashkil topgan. Inlarga meva o’rnatiladi. Lenta uzluklar bilan harakat qiladi. Uning to’xtash vaqtida yuqoridan puansonli plita tushadi, puansonlar inlarga kiradi, mevani nimtalaydi va danaklarni siqib chiqaradi. Mashinaning kamchiligi shundan iboratki, o’rikdan danak chiqqan joyda o’rik eti zararlanadi. Danagi qiyin olinuvchi shaftoliga ishlov berish uchun shaftoli va danakni arralab ikkiga bo’luvchi mashinalar ishlatiladi, keyin danak pichoq yordamida olinadi. Keyinchalik danak va shaftoli nimtasi elakda ajratiladi.
Olcha va giloslar danagini olish uchun ishlatiladigan baraban turidagi danak ajratish mashinalari ham chiziqli mashinalar printsipida ishlaydi.
Ular mevani o’ziga zarar yetkazmay sifatli tozalanishini ta’minlaydi.