Қурилиш ва архитектура” кафедраси. 5340500 “Қурилиш материаллари, буюумлари ва конструкциялари ишлаб чиқариш” йўналиши учун

КИРИШ
Курс лойиҳаси- талабаларнинг назарий билимларни чуқур ўзлаштириши, шунингдек бўлажак мутахасисларга амалий ишларни бажариш учун таянч восита бўлиб хизмат қилади.
Курс лойиҳасида ишлаб чиқариш тажрибалари ва илмий текшириш ишлари натижалари асосида боғловчи моддаларнинг эффектив хилларини ишлаб чиқаришнинг технологик жараёни бажарилади.
Лойиҳалаш жараёнида қуйидаги асосий омиллар эътиборга олиниши мақсадга мувофиқдир:
-ишлаб чиқаришни қайта қуриш ва техник жиҳатдан ривожлантириш;
-бошланғич хом ашёлар асосида юқори сифатли боғловчилар олишга эришиш;
-саноат корхоналари чиқиндилари асосида махсус боғловчилар ишлаб чиқариш;
Талаба курс лойиҳаси муаллифи сифатида қабул қилган технологик ечимларни асослаши зарур.
Услубий кўрсатма “Боғловчи моддалар” курсига доир дастур асосида тузилган бўлиб, ундан қурилиш соҳаси буйича таълим олувчи талабалар фойдаланиши мумкин.
1. УМУМИЙ ТУШУНЧАЛАР.

1. 
   Курс лойиҳага топшириқ ва унинг мохияти.
   

Курс лойиҳасининг мавзуси сифатида боғловчилар ишлаб чиқарадиган корхона ёки цехнинг технологик жараёнини лойиҳалаш қабул қилинади. Бажариладиган ишнинг топшириғида ишлаб чиқариладиган махсулот хили, корхонанинг йиллик унумдорлиги, хом ашё тавсифи ва ишлаб чиқаришнинг технологик жараёнига алоқодор қўшимча маълумотлар берилади. Технологик тизимларни тўлиқ ўзлаштириш учун уларда амалга ошириладиган асосий жараёнлар (яъни ашёларни тайёрлаш, майдалаш, пишириш, совутиш, туйиш ва х.к) кенг ёритилмоғи керак.
Айрим холларда курс лойиҳаси ўрнига талаба илмий изланишлар натижалари бўйича ҳисобот ёки кафедра томонидан (иш раҳбари) берилган мавзуси бўйича реферат тақдим қилиши ҳам мумкин. Бунда асосан қуйидагиларга эътибор берилмоғи керак:
-танланган мавзусини керакли адабиётлар, ҳисобот ва қўлёзмалар асосида умумийлаштириш;
-технологик жараёнларни назарий жихатдан асослаш, амалий ишларга қўллаш асослари;
-ўрганилаётган мавзусини техник-иқтисодий жиҳатдан баҳолаш;
-асосий фикр ва таклифлар.