Urganch davlat universiteti X. R. Matyoqubov, J. K. Tojiyev texnologiya va dizayn

Tarbiya  texnologiyasi
 –  tarbiya  natijalariga  asoslanib,  tarbiyaning  maqsad  va 
vazifalarini  oydinlashtirish,  tarbiya  jarayonining  har  bir  bosqichini  alohida-alohida 
loyihalash,  tarbiyaning  shakl,  metod  va  vositalarini  aniq  belgilab  olishga  qaratilgan 
tizimli jarayon.  
Dizayn
 -  (ing.  design  -  loyiha,  chizma,  rasm)  -  narsalar  muhitini  estetik  va 
funksional sifatlarini shakllantirish maqsadiga qaratilgan loyihalash faoliyati turlarini 
ifodalovchi  atamadir.  Dizayn  faoliyati  tarkibiga  keng  isteʼmol  buyumlari,  mashina, 
dastgoh,  kiyim,  reklama  va  o`rov  materiallari,  ishlab  chiqarish,  jamoat  va  turar  joy 
binolarini  jihozlash,  mebel  va  boshqalar  kiradi.  Dizayn  XX-asr  boshlarida  yuzaga 
kelib,  1930-yillarda  maxsus  faoliyat  turi  sifatida  Gʻarbiy  Yevropa  va  AQSHda 
shakllandi.  1980-yillarning  2-yarmidan  dizaynning  faoliyat  doirasi  kengaydi. 
Dizaynerlar rassom sezgisi bilan birga ilmiy fanlar (materialshunoslik, rangshunoslik 
va  b.)ga  tayanadi,  ishlab  chiqarish  jarayoni  va  sharoitlari,  sotsiologiya  va  boshqa 
bilimlarga  ega  bo`lishi  lozim.  Dizayn  sohasidagi  mutaxassislar  maxsus  oliy  o`quv 
yurtlarida tayyorlanadi. Jumladan, Kamoliddin Behzod nomidagi Milliy rassomlik va 
dizayn  institutida  ham  interyerlar  va  sanoat  grafikasi,  libos  dizayn  bo`yicha 
mutaxassislar tayyorlanadi