Urganch davlat universiteti turizm va iqtisodiyot fakulteti turizm va mehmonxona xo

6-MAVZU. TURIZM XIZMATLAR BOZORINI SEGMENTLASH.

Reja:

1. 
   Turizm mahsulotga talab segmentatsiyasini o‘rganish.
   
2. 
   Butun jahon turistlik tashkilot daromadlar darajasini belgilash bo‘yicha turizm xizmatlarni segmentlash jarayonini o‘rganish.
   
3. 
   Turizm xizmatlar bozoriga ta’sir qiluvchi asosiy omillar tarkibini tahlil qilish.
   

O‘zbekiston bozorlarida turistlik xizmat ko‘rsatuvchi korxonalar o‘rtasida raqobatchilik bir qadar keskin ravishda kechadi, chunki korxonalar soni tobora ortib bormoqda. Ko‘pgina korxonalarning moliyaviy, mehnat va boshqa resurslari cheklangan bo‘lib, ular barcha mijozlar istaklarini to‘liq amalga oshira olmaydilar. Turistlik korxonaning ish faoliyatini unumli va daromad keltira oladigan qilib tashkillashtirish uchun ular bozor segmentatsiyasidan foydalanadilar.

Bozor segmentatsiyasi - iste’molchilarning talablarini birlashtiruvchi harakterga ega bo‘lgan bozor qismlarini tushunamiz. Ushbu segment (qism) larning har biri maqsadli bozor sifatida tanlanishi mumkin. Iste’molchilarning talabini har bir mahsulot qondira olmasligi bois, segmentatsiyaning asosiy maqsadi-turistlik mahsulotni aniq (manziliy) ta’minlashga qaratiladi. Turistlik xizmat bozorining segmentatsiyasi vujudga keluvchi savollarga, ya’ni: xususiyati, qiziqishi, fikrlashi, qabul qilishi, ma’naviy qadriyatlar va har bir segment vakilining zaruriyatiga qarab javob beradi. V.Saprunova tomonidan taklif qilingan turistlik faoliyat savollariga javob beruvchi me’zonlar segmentatsiyasining asosiy guruhi 1-jadvalda keltirilgan.