Urganch davlat universiteti tarix fakulteti

Kurs ishining maqsad va vazifalari. Etnogenez, etnik tarix va millat tarixining har birini alohida olganda, ularning boshlang‘ich va yakuniy nuqtalari bor. Masalan, mana shu ilmiy konsepsiya asosida o‘zbek xalqi etnogenezining boshlang‘ich nuqtasi sifatida dastlab turk xokonligi davri qabul qilindi (akademik A.Yu.Yakubovskiy nuqtai nazari). Keyinroq, o‘zbek etnogenezining boshlang‘ich

nuqtasi antik davrgacha qadimiylashtirildi (akademik S.P.Tolstov nuqtai nazari). Akademik Karim Shoniyozov ham so‘nggi fundamental tadqiqoti "O‘zbek xalqining shakllanish jarayoni" asarini mana shu nuqtai nazar asosida yozgan.

Hozirgi kunda bu sana yanada qadimiylashtirilgan, ya’ni so‘nggi bronza davri bilan belgilanmoqda (akademik A.Asqarov nuqtai nazari). Bunday qarashlarning ilmiy asosida o‘zbeklarning o‘q tomiri, bosh ildizi ikki tilda so‘zlashuvchi etnik qatlamlar (sug‘diy va turkiy)ning qorishuv natijasi ekanligi va uning dastlabki sanasi, ularning ilk bor aralasha boshlagan nuqtasi so‘nggi bronza davridan boshlanganligi hisobga olingan.