Uo‘K: 62(075) kbk

Flus ostida yoy bilan eritib qoplash. Bajarilish usuliga ko‘ra avtomatik yoki yarim avtomatik, ishlatiladigan simlar soniga ko‘ra esa bir elektrodli va ko‘p elektrodli bo‘lishi mumkin. Flus ostida eritib qoplash uchun ishlatiladigan simlar konstruksiyasi bo‘yicha yalang‘och va kukun to‘ldirilgan, shakliga ko‘ra doiraviy va tasmasimon bo‘ladi (8.2-rasm).




8.2-rasm. Flus ostida yoy bilan eritib qoplash:
a – elektrod tasma; b – ko‘p elektrodli.

3. 
   Himoya gazlari muhitida volfram (erimaydigan) va metall sim (eriydigan) elektrodlar bilan yoy vositasida eritib qoplangan. Yoyni himoya qilish uchun argon va karbonat angidriddan foy- dalaniladi.
   
4. 
   Vibro-yoy bilan eritib qoplash. Bunday eritib qoplash metall elektrod bilan elektr yoy vositasida eritib qoplashning bir turi hisoblanadi va elektrodni titratish yo‘li bilan bajariladi. Titratish amplitudasi elektrod sim diametrining 0,75 dan 1,0 gacha qismi chegaralarida bo‘ladi (8.3-rasm).
   

8.3-rasm. Vibro-yoy bilan eritib qoplash:
1 – eritib qoplanadigan detal; 2 – sovitish suyuqligining uzatilishi; 3 – vibrator elektromagniti; 4 – prujina; 5 – elektrod simi.

5. 
   Elektr-shlak usulida eritib qoplash. Bu usulda eritib qoplash- ning o‘ziga xos xususiyati ish unumining yuqoriligidir hamda aylanish yuzalarida va yassi yuzalarda eritib qoplangan metalni turli kimyoviy tarkibli qilish mumkin (8.4-rasm). Eritib qoplash metalga bir o‘tishdayoq majburan shakl berib bajariladi. Amalda ko‘ndalang kesimi xohlagan ko‘rinishdagi elektrodlar: chiviqlar, plastinalar va hokazolar ishlatiladi. Asosiy metalning suyuqlanish chuqurligini keng chegaralarda rostlash mumkin.