Universiteti a. A. Pulatov voleybol nazariyasi va

Sport maktablariga tanlov oʼtkazish va qabul qilish bosqichi.
Ushbu 
bosqichda trenerlar iqtidorli bolalarni izlash, ularni nasliy va hayot davomida 

---

297 
orttirgan harakat qobiliyatlarini oʼrganish, ota-onalar, jismoniy tarbiya 
oʼqituvchilari, sinf rahbarlari bilan sport maktabiga munosib nomzodlarni jalb 
qilish boʼyicha suhbatlar tashkil qiladi, ularni tanlovdan oʼtkazish va ota-onaning 
roziligi bildirilgan ariza hamda tibbiy maʼlumotnoma xulosasiga binoan sport 
maktabiga qabul qilish ishlarini amalga oshiradi. Sport maktabiga tanlov 
oʼtkazishda qator meʼyoriy test mashqlaridan foydalaniladi . 
Boshlangʼich tayorgarlik bosqichi guruhlari (BTBG).
Bu bosqichda 
shugʼullanuvchi guruhlarga mansub bolalarda voleybolga qiziqish uygʼotiladi, 
ularda mativatsion ehtiyoj yuzaga keltiriladi va kuchaytiriladi. 
Boshlangʼich tayorgarlik bosqichida jismoniy va ruhiy sogʼlomlashtirish, 
maʼnaviy-madaniy va ahloqiy xislatlarni shakllantirish, har tomonlama jismoniy 
tayorgarlikni rivojlantirish, bolalarning jismoniy va psixofunktsional imkoniyatlari, 
ularning morfologik koʼrsatgichlari, qaddi-qomati hamda mavjud harakat 
qobiliyatlarini eʼtiborga olgan holda tabaqalashtirilgan mashgʼulotlar oʼtkaziladi, 
oʼyin ixtisosligi (amplua)ni tanlashga moʼljal qilinadi, keyingi oʼquv-trenirovka 
guruhiga oʼtkazishga moʼljallangan meʼyoriy talablarni topshirtirish ishlari amalga 
oshiriladi. 
Oʼquv-trenirovka bosqichi guruhlari (OʼTBG).
Ushbu bosqich guruhiga 
kamida 1 yil tayorgarlik koʼrgan, sogʼlom, umumjismoniy va maxsus tayorgarlik 
boʼyicha meʼyoriy talablarni bajargan oʼquvchilar tanlov asosida qabul qilinadi. Bu 
bosqichda shugʼullanuvchi oʼquvchilarni bir oʼquv-mashgʼulot yilidan navbatdagi 
oʼquv-mashgʼulot yiliga jismoniy va maxsus tayorgarlik boʼyicha belgilangan 
meʼyoriy-nazorat normativlarini bajargan hamda sport razryadiga ega boʼlgan 
oʼquvchilar koʼchiriladi.