O ‘quv yilidan joriy etiladi

2022-2023 o ‘quv yilidan joriy etiladi
1,5 va undan ko‘p shtat ajratilgan ajratilgan umumta’lim maktablarida 1 nafar psixolog kasb-hunarga yo‘naltiirsh ishlariga ta’lim muassasasi direktori ichki buyrug’i asosida “Kasb-hunarga yo’naltirish” ishlariga mas’ul etib tayinlanadi.
1,0 shtat birligi ajratilgan ta’lim muassasalarida barcha ishlarni psixolog amalga oshiradi.
Psixologning vazifasi:
O‘quvchilar rivojlanishiga to‘sqinlik qilayotgan omillarni aniqlash va turli ko‘rinishdagi psixologik yordam berish;
Turli yo‘nalish va maqsadlarda psixologik tashxis o‘tkazish;
Bola ruhiyatidagi salbiy o‘zgarishlarni aniqlash va ularni bartaraf etish;
Turli yosh davrlarida o‘quvchilarning shaxsiy, aqliy va ijtimoiy rivojlanishini psixologik jihatdan kuzatib borish, psixologik nuqsonlarni aniqlash va salbiy ogʼishlarning oldini olish;
Iqtidorli o‘quvchilarni psixologik jihatdan qo‘llab-quvvatlash;
O‘quvchilar, pedagogik jamoa, ota-onalarning (ularning o‘rnini bosuvchi shaxslar) psixologik va jinsiy tarbiya madaniyatini shakllantirish;
Pedagogik jamoalarda sog‘lom psixologik muhitni yaratish va qo‘llab-quvvatlash;
Yoshlar tarbiyasiga xavf solayotgan “ommaviy madaniyat”ning kirib kelishi holatlarining oldini olish.

Psixolog-kasb-hunarga yo‘naltiruvchining vazifasi:
7-sinfdan boshlab o‘quvchilar o‘rtasida interaktiv so‘rovnomalar o‘tkazish, kasb-hunarga bo‘lgan qiziqishi aniqlash va ularning ma’lumotlar bazasi yaratish. Har oyda bir marta “Kasblar olamiga sayohat” mavzusida maxsus kurslar tashkil etish;
8-sinfda ta’limning keyingi bosqichlarida o‘qishni davom ettirish, tanlagan kasbi bo‘yicha kasb-hunarga tayyorlash markazlarida kasb o‘rganish uchun o‘quvchilar va ota-onalarga tavsiyalar berish va yo‘naltirish;
Har chorakda kamida bir marta “Mening kelajakdagi kasbim” seminar-treninglar tashkil qilish;
9-sinf o‘quvchilarining kasbiy moyilligini aniqlash bo‘yicha psixologik tashxislarni o‘tkazish, aniq ishchi kasblar bo‘yicha kasb-hunar maktablarida ta’lim olishi yoki kasb-hunarga tayyorlash markazlarida kasbga tayyorgarlikni davom ettirishlari uchun o‘quvchilarni o‘quv yili davomida muayyan kasbga yo‘naltirish ishlari olib borish.