Умурзоқов, А. Тошбоев

Консалтинг – бошқарув бўйича мутахассислар томонидан турли хил хўжалик юритувчи субъектларнинг ривожланиши, юзага келган муаммоларни ечиш йўлларини кўрсатувчи биргаликда қарорлар ишлаб чиқиш орқали ишлаб чиқаришга профессионал кўмаклашишдир.

Консультантлар раҳбарлардан қуйидаги тарафлари бўйича устун туради:

1. 
   Уларнинг мустақиллиги.
   

Булар:

2. 
   Уларнинг дунёқараши кенглиги, менежмент ва хўжаликнинг турли соҳаларида кенг тушунчага эга бўлганлиги.
   
3. 
   Уларнинг бошқа ташкилотларнинг тажрибасини ўрганишга ва қўллашга йўналганлигидир.
   

Ҳозирги пайтда қуйидаги асосий консалтинг хизматматларининг 8 гуруҳи мавжуддир.

1. 
   Умумий бошқарув бўйича консалтинг хизматлари: бошқарув тизимининг
   

самарадорлигини аниқлаш; бизнесни баҳолаш; инновацияларни бошқариш; бозор коньюктурасини ва рақобатбардошлигини ўрганиш; бизнесда янги тармоқларни ташкил қилиш; бошқарувни баҳолаш; хусусийлаштириш; проектларни бошқариш; тадқиқот қилиш ва ривожлантириш; стратегик режалаш.

2. 
   Администрация фаолияти бўйича консалтинг хизматлари: ишчи хоналарни жойлаштириш ва режалаш; концелярия ишини таҳлил қилиш; офисни бошқариш; бўлимларни жойлаштириш; хавфсизликни таъминлаш; хавфсизликни бошқариш.
   
3. 
   Молиявий бошқарув бўйича маслаҳат хизматлари: ҳисоб тизими; капитал харажатларни баҳолаш; фирманинг хўжалик обороти; маҳсулот ва хизматлар харажатини пасайтириш; банкротлик; даромадни ошириш; фойдани ошириш; солиқ ва солиқ қонунчилиги.
   

Охирги пайтда кўпчилик фермер хўжаликларида пайдо бўлган молиявий муаммолар уларнинг молиявий ресурсларини тўғри ишлатмаслиги натижасидир. Шунинг учун бизнеснинг молиявий консалтинги кўпроқ аҳамиятга эга бўлиб бормоқда.
Молиявий консультантлар фермерларга асосий молиявий масалалар бўйича маслаҳатлар берадилар: хўжалик ва корхона фаолиятининг молиявий томонига тегишли бўлган қарорларни тайёрлаш, қабул қилиш ва назорат қилиш; молиявий ресурсларнинг ҳажмини, муддатини мақсадга мувофиқ аниқлаш; айланма маблағни ошириш; молиявий оқим ҳаракати бошқарувини такомиллаштириш; хўжалик харажатларини оптималлаштириш; корхонанинг бозордаги ҳолатини истиқболлаш; бизнес-режалар тузиш ва амалга ошириш.
Бизнес-режа ўз ичига режанинг молиявий балансини, сотиб олиш ва сотиш режаларини, пул маблағлари ҳаракати режасини, фойда режаларини олади. Шунинг учун максимал фойдали ва рентабелликка эга бўлган Бизнес-режани тузиш жуда муҳимдир. Булар қуйидагилар: вақтинча бўш маблағларни рационал бошқариш; молияни бошқаришда автоматлаштирилган тизимни қўллаш; молиявий-иқтисодий мақсадларни аниқлаш; даромад, фойда, рентабеллик, шахсий капитал бўйича режалар тузиш; молиявий стратегияни аниқлаш; солиқ соҳасидаги сиёсатни шакллантириш; тўлов воситалари структураларини аниқлаш ва уни тўлашнинг қулай шаклини топиш; хўжалик бюджетини тузиш.