Умуртқалилар зоологияси фанининг предмети, ўрганаѐтган объекти ва вазифалари

1 – Ҳашоратхўрлар туркуми – Insectivora 
Кичик ва ўрта катталикдаги ҳайвонлар (гавдасининг узунлиги 3.5-44 см) бўлиб, тузилиши жуда содда. Жун қоплами калта, юмшоқ 
ѐки териси тиканлар билан қопланган (типратиканлар). Боши чўзилган, тумшуғининг учида кичкина ҳаракатчан тумшуғи бор. 
тишларининг учи ўткир, гуруҳларга бўлинмаган яхлит қатор бўлиб жойлашганлиги, олдинги миясининг кичик ва бурмасиз, 
бачадонининг икки шохли ѐки иккига бўлинган бўлишлиги ҳашоратхўрларни характерли белгилари ҳисобланади. 
Ҳашоратхўрлар фақат товонда юради, тунда фаол ҳаѐт кечиради ва Австралия ҳамда Жанубий Америкадан ташқари ҳамма 
қитъаларда тарқалган, 370 та тур бўлиб, қуйидаги оилаларга бўлинади: 
Типратиканлар (Erinaceidae) оиласини 15 та тури бор, гавдасини узунлиги 10-45 см бўлади, тумшуғи чўзилган гавдасининг орқа 
томони тикан билан қопланган ва юмалоқ бўлиб олиш қобилиятига эга. Типик вакилларига ўрмон ва дашт жойларда яшовчи 
одатдаги типратикан (Erinaceus europacus) ва чўлларда яшайдиган қулоқли типратикан (Hemichinus auritus) киради. Типратиканлар 
ҳашорат, калтакесак, илон ва бошқа ҳайвонлар билан овқатланади. Булар қишда уйқуга кетади. 
Кротлар (Talpidae) оиласининг 20 га яқин турлари бўлиб, тумшуғи чўзиқ, гавдаси 5-21 см узунликда бўлади, қулоқ супралари йўқ, 
ѐки редукцияланган, кўзлари кичик. Бу уларнинг ер тагида яшашга мослашган белгиларидир. Бу оиланинг вакилларидан одатдаги 
крот (Talpa europaea) ва вихухол (Desmana mochata) лар Россиянинг ўрмон зоналарида яшайди. Вихухол сувда ҳаѐт кечиради ва 
қимматбаҳо мўйна беради. 
Тенреклар (Tenrecidae) оиласига 31 та тур киради. Мадагаскар ва Комор оролларида тарқалган. Териси сийрак тиканак билан 
қопланган. Булар ҳашоратхўрларни энг примитиви ҳисобланади. 
Африкада чўл узуноѐқлари (Macroscelididae) оиласи тарқалган. Уларнинг орқа оѐқлари узун, олдинги оѐқлари калта бўлади. Булар 
ташқи кўринишидан қўшоѐқларга ўхшайди. 
Олтин кротлар (Chrysochloridae) одатдаги кротга ўхшаш бўлиб, Жанубий Африка чўлларида тарқалган ва ер тагида яшайди. Ғарбий 
Африка тропикларидаги сув ҳавзаларида энг катта ҳашоратхўр қундузсимон ерқазир (Potamogale velax) яшайди.
Ерқазирлар (Soricidae) оиласини 270 та тури бор. Австралия ва Жанубий Америкадан ташқари ер юзида кенг тарқалган, ерқазирлар 
сиртдан сичқонларга жуда ўхшайди, лекин тишлари, бахмал каби мўйнаси ва чўзиқ тумшуғи билан улардан фарқ қилади. 

---

Ерқазирлар сут эмизувчилар синфи ичида энг кичиклари бўлиб гавдасининг узунлиги 3.5 см, массаси 1.2-1.5 г келадиган турлари 
ҳам бор. улар жуда серҳаракат бўлиб, зах ва нам ерларда яшайди. Асосий овқати ҳашорат ва чувалчанг бўлиб ҳисобланади. 
Буларни ичида ўрмон сув ерқазири (Sorex araneus) билан сув ерқазири ѐки кутара (Neamys fogiens) ҳаммадан кўп тарқалган. 
Ғарбий Европанинг жанубида, Кавказ ва Ўрта Осиѐда тарқалган оқ тиш митти-ерқазир (Suncus etrusca) ва тайгада учрайдиган 
жинқарча қўнғир тиш ерқазир (Sorex tscherski) сут эмизувчилар ичида энг кичкинасидир.