Умуртқалилар зоологияси фанининг предмети, ўрганаѐтган объекти ва вазифалари

V Қушлар синфи – Aves 
+1. Қадимги қушлар – Archaeornithes кенжа синфи 
2 – Ҳақиқий қушлар – Neornithes кенжа синфи 
+1. Тишли қушлар – Odontognathae ата туркуми 
2. Кўкрак тожсизлар – Ratitae ата туркуми 
3. Пингвинлар – Impennes ата туркуми 
4. Кўкрак тожлилар – Carinatae ата туркуми 
Саволлар 
1.Қушларнинг қишлоқ ва ўрмон хўжалигидаги роли 
2. Қушларнинг авиациядаги роли қандай? 
3. Қушлар қандай касалликлар тарқатади? 
4. Овланадиган қушлар қайсилар? 
Маъруза 18 (4 соат) 
Мавзу: Сут эмизувчилар синфининг умумий тавсифи ва 
систематикаси 
Режа 
1. Сут эмизувчилар синфининг умумий тавсифи 
2. Содда даррандалар кенжа синфи 
3. Тубан даррандалар кенжа синфи 
4. Йўлдошлилар кенжа синфи 
Таянч иборалар: бирйўллилар, қопчиқлилар, йўлдошлилар туркумлари 
. 
Маъруза матни. 
V1. Сут эмизувчилар синфи – Mammalia 
Умумий тавсифи 
 
Сут эмизувчилар амниоталарнинг ва умуман ҳайвонот оламининг энг юқори тараққий этган синфидир. Сут эмизувчиларнинг 
асосий юксак тараққий этган белгилари қуйидагилар ҳисобланади:
1. Бош мияда олий нерв фаолиятининг маркази, яъни кулранг мия моддасидан ташкил топган ярим шарлар пўстлоғи, айниқча яхши 
ривожланган. Шунинг учун сут эмизувчиларнинг хулқ-атвори ва атроф-муҳит таъсирларига жавоб реакциялари ғоят мукаммал. 
Буларда эшитув органи энди ички қулоқ, ўрта қулоқ ва ташқи қулотқдан ташкил топган. Ўрта қулоқ бўшлиғида узанги суякдан 
ташқари яна болғача ва сандон суяклари жойлашади. Ҳидлов органида бир қанча ҳидлов чиғаноқлари бор. 
2. Аксарият, кўпчилик сут эмизувчилар тирик бола туғади, эмбрионини она қорнида махсус орган-йўлдошда олиб юради, бола 
туғилгандан кейин эса она организмининг маҳсулоти –сут билан боқади. 
3. Терморегуляциянинг ўта такомиллашганлиги ва иссиққонлилик хусусиятини касб этиши. Бу хусусият сут эмизувчиларда 
қоннинг аралаш бўлмаслиги, газ алмашинувининг зўрлиги ва терморегуляция мосламалари борлиги туфайли юзага келган. Юраги 
тўрт камерали бўлиб, фақат битта чап аорта ѐйи сақланиб қолган. Ўпка алвеоляр тузилишга эга бўлиб, унинг нафас олиш юзаси 
жуда ошиб кетади. Терморегуляция бир томондан, иссиқлик ҳосил бўлишини ѐки оксидланиш жараѐнини таъминлаш - кимѐвий 
терморегуляция, иккинчи томондан, иссиқлик чиқаришни нафас олиш ва терлаш жараѐнида парлатиш йўли билан амалга ошириш 
(физикавий терморегуляция)ни таъминлайди. 

---

Сут эмизувчилар бу юксак белгилардан ташқари, фақат ўзларига хос бўлган бир қанча морфологик ва анатомик белгиларга ҳам 
эга. Териси аксарият кўпчилигида жун билан қопланган. Терисида ҳар хил вазифаларни бажарувчи кўпгина безлар (ѐғ, сут, тер, 
ҳид) бор, бош скелети синапсида типида бўлиб, унинг энгса қисмида иккита энгса бўртмаси бор, тишлари алвеолларда жойлашиб, 
гуруҳларга (курак, қозиқ ва озиқ) бўлинган, пастки жағи фақат битта тиш суягидан ташкил топган. Квадрат ва қўшилиш суяклари 
эшитиш суякларига айланади ва ўрта қулоқ бўшлиғида жойлашади. Тана бўшлиғи диафрагма пардаси билан кўкрак ва қорин 
бўшлиқларига ажралган. Қизил қон ҳужайралари ядросиз бўлади, буйрак қопқа тизими ҳосил бўлмайди. Тирсак бўғими орқага, 
тизза буғими эса олдинга қаратилган, оѐқлари танага пастки томондан бириккан (138-расм), бўйин умуртқаларининг сони бир хил - 
еттита бўлади.
Сут эмизувчилар юқори тузилганлиги ва хулқ-атвори мукаммал бўлганлиги учун мезазой эрасининг охирига келиб, ўша замонгача 
ҳукм суриб келган судралиб юрувчиларни ер юзидан сиқиб чиқарган ва асосий яшаш муҳитларини эгаллаб олган. 
Иссиқонли бўлганлиги сабабли қушлар билан биргаликда кайназой эрасининг бошидан бошлаб булар ер юзида ҳукумрон 
ҳайвонлар бўлиб келмоқда. Сут эмизувчилар ичида қуруқликда ва дарахтда, ҳавода, ер тагида ва иккиламчи тартибда сувда яшовчи 
гуруҳлари бор.