Умуртқалилар зоологияси фанининг предмети, ўрганаѐтган объекти ва вазифалари

Кавш қайтармайдиганлар кенжа туркуми – Nonruminantia 
Бу туркумга 12 та ҳар хил катталикдаги, танаси оғир, оѐқлари калта ҳайвонлар киради. 
Озиқ тишлари бўртмали, кескич тишлари доимо ўсиб туради, ошқозони бироз содда 
тузилган, 2 ва 5 бармоқлари нисбатан узун ва юрганда ерга тегади. 
Европа ва Осиѐда кенг тарқалган тўнғиз (Sus scrofa) ва Африкада 
тарқалган сув айғири ѐки бегемот (Hippopotamus amphibiys) кавш 
қайтармайдиганларнинг типик вакилларидир. Сув айғирининг гавдаси 
беўхшов, массаси 3 т га етади, териси ялонғоч. Булар асосан сувда яшайди. 
Қадоқоѐқлилар кенжа туркуми – Tylopoda 
Бу ҳайвонлар 2 ва 5 бармоқларининг йўқлиги, озиқ тишларининг 
чайнаш юзасини ясси бўлиши, оѐқларида тирноқсимон туѐғининг бўлиши 
билан характерланади. Бармоқлари остидаги юмалоқ ѐстиқчаларга таянади. 
Туялар (Camelidae) оиласидан икки ўркачли туя (Camelus bactrianus) 
Марказий Осиѐдаги Гоби саҳросида сақланиб қолган, хонакилаштирилган 
ҳолда Ўрта осиѐ, Қозоғистон ва Жанубий Волга бўйи ҳудудларида яшайди. 
Бир ўркачли туя (Camelus dromedarius) хонакилаштирилган ҳолда Шимолий 
Африка, Жанубий-ғарбий Осиѐ, Кавказ ва Туркманистонда яшайди. Жанубий 
Америкада гуанако (Lama huanaochus) билан викуня (Lama vicugna) ва 
хонаки лама билан алпакалар тарқалган. 
Кавш қайтарувчилар кенжа туркуми – Ruminantia 
Бу кенжа туркум ҳар хил ўлчамдаги 160 тур туѐқли ҳайвонларни ўз ичига олади. 2 ва 5 
бармоқлари кичкина ва юрганда ерга тегмайди. Устки жағида курак ва кескич тишлари 
йўқ. Ошқозони мураккаб тузилган бўлиб, тўрт бўлимдан ташкил топган. Кўпчилигида 
пешона суягининг ўсимтаси ҳисобанган шох бор, озиқ тишларининг чайнаш юзаси ясси 
бўлади. Кавш қайтарувчилар 6 та оилага бўлинади. 
Буғучалар (Tragulidae) кавш қайтарувчилар ичида энг примитиви 
ҳисобланади. 2 ва 5 бармоқлари нисбатан бироз узун, эркакларининг пастки 
жағидаги кескич тишлари оғзидан чиқиб туради. Ўлчами товушқондек 
келади, Африка ва Жанубий-шарқий Осиѐда тарқалган. 

---