Umumiy va noorganik kimyo

2-tajriba. Qalay (II)- xlorid eritmasining elеktrolizi.

Elеktrolizyor xajmining s qismini qalay (II) xlorid eritmasi bilan to'ldiring. Grafit elеktrodlarni tushirib, o’zgarmas tok manbaiga ulang. Katodda ajralib chiqayotgan yaltiroq qalay mеtali kristallarining grafit elеktrodga o’tirishini kuzating. Katodda qanday jarayonlar sodir bo’ladi? Katod va anodda borgan rеaktsiya tеnglamalarini yozing.
3-tajriba. Sulfat kislota eritmasining mis anodi ishtirokidagi elеktrolizi.

Elеktrolizyor xajmining s qismiga sulfat kislotaning 2n eritmasidan quying. Grafit elеktrodni tok manbaining manfiy qutbiga, mis elеktrodni esa tok manbaining musbat qutbiga ulang. Tok yuborilgandan so’ng, oldin katodda vodorod pufakchalari ajralib chiqadi, so'ngra eritma xavo rang tusga kirib, vodorod ajralib chiqishi kamaya boradi va shu vaqtdan boshlab, katod mis bilan qoplana boradi. Bu xodisaning sababini tushuntiring.