Umumiy o'rta ta'lim sifatini oshirish: mazmun, metodologiya, baholash va ta'lim muhiti

595

 

 

"Umumiy o'rta ta'lim sifatini oshirish: mazmun, metodologiya, baholash va ta'lim muhiti"  

xalqaro onlayn ilmiy-amaliy konferensiya materiallari 

 

yilda  bir  marotaba  malaka  oshirish  kurslarida  o‘qishlari  o‘quvchilarning  tabiiy  fanlar 

bo‘yicha  savodxonligini  shakllantirish  va  rivojlantirish  uchun  yetarli  emas,  albatta. 

O‘qituvchilar  uchun  metodik  qo‘llanmalar,  o‘qituvchilarning  kasbiy  mahoratini 

oshirishga imkon beradigan qisqa muddatli maqsadli o‘quvlar, seminarlar, treninglarni 

tashkil etish, o‘qituvchilarning o‘z ustida mustaqil ishlashlari zarur.  

Har  bir  o‘qituvchi  ishonchli,  kerakli  ma’lumotlarni  qidirib  topa  olishi,  ulardan 

pedagogik  faoliyatida  foydalana  olishi,  o‘zi  ham  kontent  yarata  olishi  zarur.  Aynan 

shunday  ko‘nikmalar  zamonaviy  o‘qituvchiga  xosdir.  Zamonaviy  o‘qituvchi  qo‘lida 

ta’lim-tarbiya olayotgan o‘quvchilar zamon talablariga javob bera oladigan shaxs bo‘lib 

shakllanadilar. PISА tadqiqotiga munosib tayyorgarlik ko‘rishda o‘quvchilarning tabiiy 

fanlar bo‘yicha savodxonligini shakllantirish zarur, buning uchun PISА topshiriqlari yoki 

ularga o‘xshash topshiriqlarni bajarishning o‘zi yetarli emas, balki o‘quvchilarda tabiiy 

fanlar  bo‘yicha  savodxonlik  kompetentsiyalariga  oid  ko‘nikmalarni  shakllantirishga 

alohida eʼtibor qaratish zarur. Buning uchun, eng avvalo, o‘quv dasturlari va darsliklarni 

ilg‘or  xorijiy  tajribalar  asosida  takomillashtirish,  o‘quvchilarning  tadqiqotchilik 

ko‘nikmalarini  shakllantirish,  o‘quvchilarga  tabiiy  hodisa  va  jarayonlar  haqida  tayyor 

axborot  bermasdan,  o‘quvchilarni  fanning  ilmiy-tadqiqot  metodlaridan  foydalangan 

holda,  tajribalarni  loyihalash  va  tajriba  natijalarini  tahlil  va  talqin  qilish,  xulosa 

chiqarishga o‘rgatish kerak.