Umumiy o'rta ta'lim sifatini oshirish: mazmun, metodologiya, baholash va ta'lim muhiti

601

 

 

"Umumiy o'rta ta'lim sifatini oshirish: mazmun, metodologiya, baholash va ta'lim muhiti"  

xalqaro onlayn ilmiy-amaliy konferensiya materiallari 

 

Boshlang‘ich  sinf  o‘quvchilarining  o‘rganilgan  bilimlar  yuzasidan  nazorat  qilish, 

olingan bilimlar o‘quvchilar yodida uzoq saqlab qolish maqsadida test usullaridan keng 

foydalaniladi.601Test  sinovidan,  asosan,  mustahkamlash  darslarida  foydalaniladi. 

Masofaviy ta’limda ham mavzuga mos testlardan foydalanib, o‘quvchilar bilimini doimiy 

nazorat  qilib  borish  mumkin  va  bu  usul  bugungi  kundagi  eng  keng  qo‘llaniladigan 

usullardan  biri  hisoblanadi.  Bundan  tashqari  ovozli  xabarlar  orqali  o‘qituvchi 

o‘quvchilari bilan muntazam aloqada bo‘lishi, kunlik onlayn darslarning samaradorligida 

alohida o‘rin tutadi. O‘qituvchi o‘z fikrlarini sinfda qanday bayon etsa, masofadan turib 

ham  o‘quvchilarga  sinf  muhitini  yaratishi  kerak  bo‘ladi.  Albatta,  bunda  o‘qituvchi 

mahorati, yangi –yangi g‘oyalar o‘ylab topishi, boshlang‘ich ta’limda muhim o‘rin tutadi. 

Kichik  maktab  yoshidagi  o‘quvchilar  masofaviy  ta’limda  ham  ustozining  darslarini 

kutishi,ishtiyoq  bilan  topshiriqlarni  bajarishi  ko‘p  jihatdan  o‘qituvchi  ijodkorligiga 

bog‘liq ekanligi qisqa muddatli onlayn darslarda o‘z isbotini topdi.  

Abu  Rayhon  Beruniy  o‘z  asarlarida  ta’kidlashicha,  ilm  izchil,  ko‘rgazmali, 

maqsadga qaratilgan bo‘lishi lozim va muayyan tizim bo‘yicha olib borilishi kerak. Uning 

fikricha, ko‘rgazmalilik ta’limni ancha qulay, aniq va qiziqarli qiladi. Kuzatuvchanlik va 

fikrlashni  rivojlantiradi.  Darhaqiqat,  ushbu  fikrlar  bugungi  kunda  ham  eng  dolzarb 

masalalardan  hisoblanadi.  Binobarin,  o‘quvchilarga  yuqoridagi  kabi  masofadan  ta’lim 

berish jarayonida qiziqarli, ko‘rgazmali, zamonaviy texnik vositalardan foydalanish bilan 

birga, albatta, ona tilimizning o‘ziga xos xususiyatlari, tarixi, boy imkoniyatlarini puxta 

o‘rgatish  bilan  birga,  ularni  Vatanga  muhabbat,  istiqlol  g‘oyalariga  sadoqat,  oilasi  va 

yaqinlariga  o‘zaro  hurmat  ruhida  tarbiyalashga,  yoshlikdan  bolani  mehrli,  rostgo‘y, 

qat’iyatli inson qilib tarbiyalashga alohida e’tibor qaratish darkor.