Умумий ўртатаълим мактаб амалиётчи психологлари малакасини ошириш курсининг мутахасисслик буйича давлат талаблари, ЎҚув-мавзу режа, дастур

3.3.6. ИХТИСОСЛАШГАН СИНФ ВА МАКТАБЛАРГА ИҚТИДОРЛИ ЎҚУВЧИЛАРНИ ТАНЛАШ ВА УЛАР БИЛАН ИШЛАШ


3.3.6 -мавзунинг технологик харитаси

Фан: мутахассислик Аудитория: мактаб амалиётчи психологлари Мавзу Ихтисослашган синф ва мактабларга иқтидорли ўқувчиларни танлаш ва улар билан ишлаш Калит сўзлар: Ихтисослашган синф, иқтидорли ўқувчилар, истеъдод, иқтидорли болалар психодиагностика қилиш тестлари.

Мавзунинг қисқача таърифи (Давлат талабларига мувофиқ) Ихтисослашган синф ва мактабларга иқтидорли ўқувчиларни танлаш. Иқтидорли ўқувчиларни психологик жиҳатдан қўллаш, уларнинг ривожланиш ва изланишларига кўмаклашиш. Ўқувчилардаги иқтидорлилик сифати. Иқтидор–инсоннинг ўз хатти-ҳаракатлари, билимлари, имкониятлари, малакаларига нисбатан субъектив муносабат эканлиги. Иқтидорли инсоннинг истеъдод соҳиби бўлиш имкониятлари. Иқтидорли болалар шахсининг ўзига хос хусусиятларини ўрганиш ва иқтидорлилигини психодиагностика қилиш тестларидан фойдалана олиш ва таҳлил қила билиш.

Ўқув жараёнини амалга ошириш технологияси Метод: Оғзаки баён қилиш, «Ақлий ҳужум» методи, давра суҳбати, ўзаро тажриба алмашиш Воситалар (техник ва дидактик): тарқатма материаллар, анкета, тест саволлари, маъруза асосида тайёрланган презентация слайдлари, скоч, маркер, флипчарт, проектор. Назорат: Оғзаки назорат, ўз-ўзини назорат қилиш, савол-жавоб, тақдимот. Баҳолаш: Рағбатлантириш Форма: маъруза, суҳбат, савол-жавоб, индивидуал ва жамоавий ишлаш, кичик гуруҳларда ишлаш