Умумий ўртатаълим мактаб амалиётчи психологлари малакасини ошириш курсининг мутахасисслик буйича давлат талаблари, ЎҚув-мавзу режа, дастур

Умумий ўртатаълим мактаб амалиётчи психологлари малакасини ошириш курсининг мутахасисслик буйича давлат талаблари


Ихтисослик (психолгия бўйича назарий ва амалий тайёргарлик)ка қўйиладиган давлат талаблари
Тингловчи:
Қуйидаги билимларга эга бўлиши керак:
-Ўзбекистон Республикасининг "Таълим тўғрисида", "Кадрлар тайёрлаш миллий дастури тўғрисида"ги қонунлари, Ўрта махсус таълим маркази, Халқ таълим вазирлигининг норматив-ҳуқуқий ҳужжатларини, кўрсатма ва ахборотларини ;
-“Ўзбекистон Республикаси Халқ таьлими тизимида психологик хизмат тўғрисида”ги Низомни;
-умумий ўрта таълим муассасасининг меъёрий-услубий ҳужжатларига мос ҳолда психологик хизматни ташкил қилишни;
- Дефектологик ташхис ишларини назарий асосларини;
-турли ёшдаги ўқувчиларнинг психологик хусусиятларини;
-инсон психикаси ривожининг ҳар бир босқичида ўқитиш ва тарбиялаш шароитларида психик жараёнлар ва инсон шахсининг онтогенезининг психологик хусусиятларини;
-тарбиялаш психологиясини;
-ўқитувчи, ўқувчи ва ота–оналарнинг психологик билим ва маданиятини шакллантириш юзасидан билимларни;
- психодиагностикада эришилган ютуқларни;
-ўқувчиларни касб-ҳунарга йўналтиришнинг психологик асосларини билиши шарт.
Қуйидаги кўникмага эга бўлишлари керак:
-ўқувчиларни касб-ҳунарга йўналтиришнинг психологик асосини ва уни самарали ҳал қилиш йўлларини;
-олти ёшли болаларни мактабга қабул қилиш бўйича психологик – педагогик ташхис Низоми асосида фаолият кўрсатишни;
-ўқув фаолиятини психологик қонуниятлар (боланинг индивидуал-психологик хусусиятлари, билиш жараёнлари) асосида ташкил қилишни;
-ихтисослашган мактаб ва синфларга ўқувчиларни танлашда уларнинг имконияти, иқтидорини психологик асослаб беришни;
-ўқувчилар, ота-оналар, педагогик ходимларнинг психологик маданиятини оширишни;
-мактаб ўқувчиларида ўз саломатлигига тўғри муносабат ва соғлом турмуш тарзини шакллантириш бўйича психологик тадбирларни;
- Дефектологик ташхис ишларини ташкил этишни;
-таълим муассасасининг ижтимоий муҳитини мувофиқлаштириш, ижтимоий мослашмаслик ва зўриқишларнинг бартараф этишни;
-тадқиқот ўтказиш технологиясини билиш, натижаларни компьютерда таҳлил қилишни;
-тест натижаларини психологик таҳлилини амалга ошириш ва реал ҳаётга татбиқ этишни бажара олишлари лозим.