Умумий ўртатаълим мактаб амалиётчи психологлари малакасини ошириш курсининг мутахасисслик буйича давлат талаблари, ЎҚув-мавзу режа, дастур

3.2 Психологик-педагогик ташхис ва касб-ҳунарга йўналтиришда замонавий педагогик ва ахборот технологиялари


1. Педагогик технология тушунчаси ва турлари. Психотренингларни ўтказишда педагогик технологиялар элементларини аҳамияти
(2 соат маъруза, 2 соат амалий).
Педагогик технология тушунчасининг келиб чиқиши, унинг сабаблари, унга бўлган эҳтиёжлар, унинг кенг кўламли, серқирра тушунча эканлиги. Педагогик технологиянинг турли таърифлари, ҳар бир таъриф маълум нуқтаи-назардан ёндашишни ифодалаши. Айрим асосий таърифлар ва уларнинг шарҳлари.
Педагогик технология кўринишлари. Педагогик технологияларни психотренинглар билан боғлиқлиги ва илмий тадқиқотлар соҳасига хос кўринишлари.
Психологик тренинглар ўтказишнинг умумий тартиби. Психотренингларда иштирокчиларни мулоқот жараёнига психологик жиҳатдан тайёрлаш, уларда зарур билим ва коммуникатив малакаларни махсус дастурлар асосида қисқа фурсатда шакллантириш кўзда тутилиши.
Гуруҳ ва жамоаларда ўтказиладиган тренингларда иш юзасидан ҳамкорлик қилиш йўл-йўриқларини биргаликда топиш, шахснинг ўзига хос муаммоларини ечиш, катта аудитория олдида сўзлашга ўргатиш, низоли вазиятларда ўзини тўғри тутиш малакаларини ҳосил қилиш. Бунда асосий вазифа – тренинг қатнашчиларининг онгига бировларни тушуниш, ўзини ўзгалар ўрнига қўя олиш, бошқалар манфаатлари билан ўзиникини уйғунлаштира олиш ғоясини сингдира олиш эканлиги.
Машғулот жараёнида психолог тренер шахсига хос хусусиятлар. Тренинг мобайнида амал қилиш зарур бўлган тамойиллар. Тренинг мавзуси, мақсади ва вазифаларини белгилашга талаблар.
Тренингда фойдаланиладиган педагогик технологиялар:
- шахсни ўрганишнинг психодиагностик методлари;
- ижодий фаолият натижалари таҳлили (расм, ёзма иш, эмоционал-ҳиссий ҳаракатлар);
-ролли ўйинлар;
-ақлий ҳужум;
-моделлаштириш;
-имитацион ўйинлар;
-аутотренинг ва ҳ.к.
Тренинг тузилиши:
-ҳал қилиниши лозим муаммони аниқлаш ҳамда унга мувофиқ равишда тренинг мавзуси ва мақсадини белгилаш усуллари;
-психологик тайёрлаш машқлари (гуруҳни уюштириш, тушунча бериш);
-асосий қисм (тренингнинг бориши);
-тренингни якунлаш.
Тренинг учун вақт миқдори эҳтиёждан келиб чиққан ҳолда белгиланади (45 – 90 дақиқа, 2 ва ундан ортиқ кунлик).
Тингловчилар томонидан ўзларини қизиқтирган йўналишлар бўйича психотренинг машғулотлари ишланмасини тайёрлаш ва курс тингловчилари иштирокида имитацион шаклда кўрсатиб бериш, таҳлил қилиш ва тажриба алмашиш.