Умумий ўртатаълим мактаб амалиётчи психологлари малакасини ошириш курсининг мутахасисслик буйича давлат талаблари, ЎҚув-мавзу режа, дастур

2 Мавзу: Психокоррекцион - ривожлантирувчи ишлар ва уларни олиб боришда интерфаол усуллардан фойдаланиш (2 соат амалий).
Интерфаол машғулот самарадорлигини белгилашнинг педагогик-психологик асослари, шу машғулотларда ўқувчилар билимининг ДТС талабларига мувофиқлиги назоратини ва мониторингини олиб бориш йўллари.
Психокоррекция ва ривожлантириш-шахс шаклланиши ва психологик ривожланишидаги салбий нуқсонларни бартараф этиш, ижтимоий психологик муҳитни соғломлаштириш, шахс ва жамоага фаол ижобий – руҳий таъсир ўтказиш эканлиги.
Ўқувчиларнинг психик тараққиётидаги нуқсонларни тузатиш ва коррекция қилиш. Ўқувчиларнинг индивидуал ва ёш хусусиятларини ҳисобга олиб таълим фаолиятини ривожлантирувчи ва тузатувчи дастурларни режалаштириш, хулқи ва муомаласидаги нуқсонлар ва камчиликларни коррекция қилиш дастурини ишлаб чиқишда мақсадга мувофиқ бўлган интерфаол методларни тўғри танлаш.
Ижодий қобилиятларни ўстиришга йўналтирилган тренинглар. Ўқувчи ва ўқитувчилар ўртасидаги низоларни бартараф этиш, улардаги ўқишдан, ижтимоий муҳитдан, мавқеидан қониқмаслик ҳиссини камайтиришда ишчанлик ўйинлари ва психодрамадан фойдаланиш.
Эмоционал зўриқишнинг олдини олиш ва камайтириш мақсадида махсус хоналар жиҳозлаш. Бўш ўзлаштирувчи ўқувчилар билан коррекцион ишлар олиб боришда интерфаол усуллардан унумли фойдаланиш.


3. Мавзу. Умумий ўрта таълим мактаб ўқувчиларини касбга йўналтириш ва педагогик-психологик диагностика ишларини замонавий ахборот технология воситалари ёрдамида амалга ошириш (2 соат маъруза)
Психодиагностик маълумотларни қайта ишлашда «MS Excel» “АССЕSS” дастурларидан фойдаланиш. Ячейкаларга психологик маълумотларни киритиш усуллари, улар устида ҳар хил арифметик ва мантиқий амаллар бажариш, маълумотларни саралаш ва таҳрирлаш. Психологик маълумотлар билан ишлаш, диаграммалар ташкил қилиш ва уларни ўзгартириш. Психодиагностика натижаларини қайта ишлаш. Тегишли психологик маълумотлар банкини яратиш.
Умумий ўрта таълим мактаб ўқувчиларни касбга йўналтириш ва педагогик-психологик диагностикасини методик таъминлашда замонавий ахборот технология воситалари ёрдамида ташкил этиш масаласи.
Ўқувчиларни касбга йўналтириш ва педагогик-психологик диагностикасини методик таъминлашда интернет технологияларидан фойдаланиш. Психология соҳасига оид керакли ахборотларни Internet тармоғидан излаш, топиш ва улардан фойдаланиш йўллари.