Умумий ўртатаълим мактаб амалиётчи психологлари малакасини ошириш курсининг мутахасисслик буйича давлат талаблари, ЎҚув-мавзу режа, дастур

3.3.1 мавзу: Таълим ва тарбия психологияси


Дарснинг технологик харитаси

Мавзунинг қисқача таърифи (Давлат талабларига мувофиқ) Таълим жараёни. Ўқув фаолияти ва уни бошқариш. Ўқув фаолиятининг психологик моҳияти. Таълим жараёни муваффақияти. Таълим жараёнига таъсир этувчи омиллар. Ўқувчиларда мустақил, ижодий, амалий тафаккурни таркиб топтириш йўллари. Болалар жамоаси ва унинг тарбиявий имкониятлари. Тарбиявий ишларда ҳар бир ўқувчига индивидуал ёндошишнинг психологик асослари. Калит сўзлар: таълим-тарбия психологияси, таълим компонентлари, ўқув мотивлари.

Ўқув жараёнини амалга ошириш технологияси Метод: Ақлий хужум, ролли ўйин, қисқа маъруза, оғзаки таҳлил. Форма: савол-жавоб, индивидуал ишлаш, кичик гуруҳларда ишлаш, жамоа билан катта гуруҳда ишлаш, бошқаларни ўқитиш. Воситалар (техник ва дидактик): Тарқатма материаллар, слайдлар, компьютер, проектор, маркер, скоч. Назорат: Оғзаки назорат, ўз-ўзини назорат қилиш, гуруҳ ишини назорати. Баҳолаш: Гуруҳларни рағбатлантириш, якка тартибда баҳолаш.

Машғулотнинг мақсад ва вазифалари:

Мақсадлар: Таълимий: Таълим-тарбия психологияси хақида олиб борилган тадқиқотлар билан таништириш ва моҳиятини очиб бериш. Тарбиявий: Таълим-тарбия психологиясига доир билим ва кўникмаларини ривожлантириш. Ривожлантирувчи: Олган билимларини иш ҳамда, ҳаёт фаолиятида қўллашга ўргатиш.