Умумий ўртатаълим мактаб амалиётчи психологлари малакасини ошириш курсининг мутахасисслик буйича давлат талаблари, ЎҚув-мавзу режа, дастур

6-Мавзу. Олти ёшли болаларнинг психологик – педагогик ташхис комиссиялари тўғрисидаги Низом билан ишлаш. (2-соат амалий).
Олти ёшли болаларнинг психологик-педагогик ташхис комиссиялари Ўзбекистон Республикасининг «Таълим тўғрисида»ги Қонуни, Кадрлар тайёрлаш Миллий дастури ҳамда Вазирлар Маҳкамасининг 1998 йил 13 майдаги «Ўзбекистон Республикасида умумий ўрта таълимни ташкил этиш тўғрисида»ги 203-сонли қарори, «Ўқувчиларни касб–ҳунарга йўналтириш ва психологик-педагогик ташхис Марказлари тўғрисида»ги ҳамда мазкур Низом асосида туман, шаҳар ҳудудида ақлий ва жисмоний соғлом бўлган олти ёшли болаларни мактабда ўқишга саралаб олиш тартиби. Ташхис комиссиялари ҳақида. Ташхис комиссиясининг таркиби: психолог, логопед, шифокор ва бошланғич синф ўқитувчиси каби мутахассислар фаолиятининг мазмуни.
Ташхис комиссияси ўз фаолиятини амалга ошириш режаси.
7-Мавзу: Умумий ўрта таълим мактабларида касб-ҳунарга йўналтириш ишларини ташкил этиш ва амалга ошириш. (4 соат амалий)
«Кадрлар тайёрлаш миллий дастури»нинг асосий вазифаларидан бири ўқувчиларнинг онгли ва ихтиёрий касб танлашлари учун касб-ҳунарга йўналтириш ишларини ривожлантириш ҳамда ҳаётга татбиқ қилишдан иборат.
Таълим соҳасида амалга оширилаётган ислоҳотлар жараёнида асосий бўғин ҳисобланган умумий ўрта таълим мактаблари фаолиятида ўқувчиларни ҳаётга тайёрлаш ва касб-ҳунарга йўналтириш муҳим вазифалардан бири ҳисобланади.
Умумий ўрта таълим мактабларида касб-ҳунарга йўналтириш ишларини ташкил этиш ва амалга оширишда мактаб директори, касб-ҳунарга йўналтирувчи ва синф раҳбарларининг роли.
2007 йил 5 февралда Халқ таълими вазирлигининг «Умумтаълим мактабларида узлуксиз касб-ҳунарга йўналтириш дастурини амалга жорий этиш тўғрисида»ги 35-сонли буйруғи қабул қилинди. Ушбу буйруқда умумтаълим мактабларида узлуксиз касб-ҳунарга йўналтириш дастурини 2007-2008 ўқув йилидан бошлаб белгиланган тартибда амалга жорий этиш кўрсатиб ўтилган.
Мактабдаги ҳар бир ходим касб-ҳунарга йўналтириш бўйича қандай ишларни амалга оширишини билиши лозим. Касб-ҳунарга йўналтириш ишларини амалга оширишда нафақат мактаб касб-ҳунарга йўналтирувчиси ёки амалиётчи психолог, балки бутун мактаб жамоаси масъулдир.
ХТМФМТТЭ туман (шаҳар) бўлими ўқувчиларни касбга йўналтириш ва педагогик-психологик диагностикасини ишларини ташкил этиш муаммолари.