Умумий ўртатаълим мактаб амалиётчи психологлари малакасини ошириш курсининг мутахасисслик буйича давлат талаблари, ЎҚув-мавзу режа, дастур

2. Психологик ташвиқот ва тарғибот (2 соат маъруза).
Психологик ташвиқот ва тарғибот фаолиятининг мақсади - мактабнинг педагогик жамоасини, ўқувчилар ва ота – оналарни психологик билимларни эгаллашга жалб этиш, уларнинг психологик ва жинсий тарбия маданиятини оширишдан иборат эканлиги. Ўқувчи, ўқитувчи, ота-оналарни психология фанининг ютуқлари, психологик хизмат ҳақидаги маълумотлар билан таништириш.
Ота-оналарга фарзанд тарбияси, уларнинг ёш хусусиятлари бўйича психологик билимлар бериш. Ўқитувчиларда ўз касбий фаолиятлари учун муҳим бўлган коммуникатив малакаларни таркиб топтириш йўллари.
Ёш авлод таълим – тарбиясига оид психологик тавсияларни оммавий ахборот воситаларида тарғиб қилиш.
3. Психологик профилактика. Психологик гигиена ва психологик саломатлик предмети. Жисмоний, психик ва ижтимоий саломатлик. (2 соат маъруза ва 2 соат амалий).
Ўқувчиларнинг шахс сифатида шаклланиши, ақлан баркамоллигини таъминлашнинг шарт-шароитларини яратиш билан боғлиқ психологик профилактика ишларининг мазмуни, шакл ва усуллари ҳақида. Жисмоний, психик ва ижтимоий саломатлик. Шахс камолоти ва таълим- тарбиясидаги психик бузилиш ва нуқсонларнинг ўз вақтида олдини олиш чоралари.
Руҳий зўриқишларнинг олдини олиш мақсадида психотренинглар ўтказиш. Шахснинг ижтимоий жиҳатдан кўника олмаслик ҳолатлари юзага келишининг олдини олиш бўйича ишларни амалга ошириш. Муайян шароитга мослашиши (кўникиши)га оид (адаптацион) ишлар.
Болаларни биринчи босқичли таълимга қабул қилиш, психологик тайёргарлик даражасини аниқлаш, ўқитувчилар билан ҳамкорликда ўқувчилар билан индивидуал (якка тартибда) ишлаш дастурини ишлаб чиқиш, янги мактабларга, хусусан коллеж, лицей ва гимназияларга ўқувчилар қабул қилиш.
Таълим ва тарбия, яшаш ва турмуш шароити билан боғлик невротик ҳолатлар, психологик танглик ҳамда зўриқишнинг олдини олиш. Шахснинг қобилияти, майли, мойиллиги, иқтидори, психологик фазилатлари ва хусусиятлари тўлиқ даражада намоён бўлишини таъминлаш мақсадида уларнинг ақлий тараққиётини аниқлаш учун психологик консилиумлар ташкил қилишнинг шакл ва усуллари.
Ўқитувчилар жамоаси аъзолари ўртасидаги руҳий зўриқиш ва толиқишни камайтириш, йўқотиш, уларнинг олдини олиш учун зарур чора ва тадбирлар қўллаш, педагогларда касбий фаолиятлари учун муҳим коммуникатив малакаларни таркиб топтириш йўллари.