Умумий психология академик А. В. Петровский таҳрири остида

УМУМИЙ ПСИХОЛОГИЯ
Академик А. В. Петровский таҳрири остида
Муҳаррирдан
«Ҳозирги даврда иқтисодиёт ҳамда маданиятни тез ва уйғун ривожлантириш, социал муносабатларни ва сиёсий устқурмани такомиллаштириш, жамиятнинг асосий ишлаб чикарувчи кучи ва олий бойлиги бўлмиш инсоннинг ўзини янада камол топтириш манфаатлари ёш авлодларга таълим ва тарбия беришга янгича, яна ҳам кенг кўламда ёндашишни талаб қилади. Ёш авлодларга таълим ва тарбия беришга кенг кўламда ёндашув фақат умумий таълим ва ҳунар мактабини эмас, балки педагогика олий ўқув юртларида ва университетларда бўлажак ўқитувчиларни тайёрлаш системасини ҳам жиддий равишда қайта куришни тақозо этади. Шу мақсадда, педагогика олий билимгоҳларининг ўқув режалари ва дастурлари қайта ишлаб чиқилди. Студентлар психологик-педагогик тайёргарлигининг аҳамияти, улар педагогика практикасининг роли кучайтирилди. Психология ва педагогикага оид барча фанлар, шу жумладан, умумий психология бўйича дастурлар қайта кўриб чиқилди ва янгилари қабул қилинди. Психология бўйича «Оилавий ҳаёт психологияси ва этикаси» (педагогика олий билимгоҳларининг барча факультетлари учун), «Социал психология» (ўқиш муддати беш йил бўлган бир қатор факультетлар учун) каби янги ўқув курслари жорий этилди. Шундай бир шароитда психологияга оид фанлар (ёш психологияси ва педагогик психология, оилавий ҳаёт психологияси ва этикаси социал психология бўйича махсус курслар) ни ўрганишни бошловчи умумий психология билан бирга педагогикага оид фанларнинг, энг аввало, педагогиканинг, тарбиявий иш методикаси ва хусусий методикаларнинг ҳам аҳамияти янада ошиб бормоқда. Шу муносабат билан умумий психология, бир томондан, ўзига хос равишда психология фанига кириш вазифасини бажарса, иккинчи томондан студентларни аввало шахе психологияси, унинг фаолияти ва коллективдаги муносабати ҳақида, уни тадқиқ килиш методлари тўғрисида, асосий психик жараёнларнинг қонуниятлари ҳақида тегишли билимлардан хабардор этган холда уларни профессионал ишга назарий ва амалий жиҳатдан тайёрлашдан иборат конкрет вазифани ўз зиммасига олади. Бу билимларни эгалламай туриб ўқувчиларнинг ўқиши ва меҳнат фаолиятига, уларга таълим ва тарбия бериш ишига рахбарлик қилишга лаёқатли профессионал педагогии муваффақиятли тарзда вояга етказиб бўлмайди.
Ана шуларнинг ҳаммаси мазкур дарсликнинг учинчи (биринчиси 1970 йилда, иккинчиси 1976 йилда босмадан чиққан), қайта ишланган ва тўлдирилган нашрини тайёрлашга асос бўл-дики, бу нашрда ҳозирги замой психология фанининг аҳволи ва бўлғуси ўқитувчи шахсини камол топтириш вазифалари ўз аксини топгандир.
«Умумий психология» авторлар жамоаси томонидан ёзилган бўлиб, 1-бобни А. В. Петровский билан М. Г. Ярошевский; 2, 5, 6, 7, 13, 14, 15, 17, 18-бобларни А. В. Петровский; 3-бобни В. С. Мухина; 4-бобни Л. Б. Ительсон билан А. В. Петровский; 8-бобни Е. Б. Пирогова; 9-бобни Т. П. Зинченко; 10-бобни В. П. Зинченко билан Т. П. Зинченко; 11-бобни П. И. Зинченко билан Г.С.Середа; 12-бобни А.В.Брушлинский; 16-бобни Н.С.Лейтес ёзди. Тавсия этилган адабиётларни 3.В.Кузьмина тайёрлади.
Авторлар коллективи мазкур янги китобдан фойдаланишларига тўғри келган ўқитувчилар ва студентлардан фикр ва мулоҳазалари учун миннатдор бўлур эди. А. В. Петровский
БИРИНЧИ ҚИСМ