Kichik jarrohlik muolajalari, bronxoskopik, ultrato‘lqinli
gastroskopik tekshirishlar, ayrim hollarda va ko‘rsatma
bo‘lganda ruhiy bemorlarni davolash ambulatoriya va polik-
linikalarda o‘tkaziladi. Poliklinika sharoitida tibbiyot xodimi
ning bemorlar bilan muloqotda bo‘lishi o‘ziga xos jihatlariga
egadir. Ish kuni mobaynida doimo bemorlar bilan muomala
qilishga to ‘g‘ri keladi. Bunday bem orlarning bir qismi
shifokorga birinchi m arta murojaat qiladilar.
Kundalik amaliyotda ambulatoriyada bemorlarni qabul
qilishning estetik muammolariga katta e’tibor qaratilishi kerak.
Ambulatoriya jihozi deganda, ko‘pincha, tekshirish asbob-
uskunalari tushuniladi. Bundan tashqari, chiroyli gullar, ozoda,
qulay mebellar bemorga
estetik zavq berib, vrachga bo‘lgan
ishonchini yanada oshiradi. Shifokor bilan yakkama-yakka,
guvohlarsiz suhbatlashish bem orning kundalik huquqi
hisoblanadi. Afsuski, ko‘p hollarda shifokorning xonasida
hamshira ham bo‘ladi. Bunday vaqtda bemor shifokorga gapini
ochiq aytishga tortinib turadi. Shifokor xonadagilarning
tashqariga chiqib turishini so‘rashi bemor uchun ham, shifokor
uchun ham noqulay psixologik muhitni vujudga keltiradi.
Har qanday davolash muassasalarining asosiy maqsadi barcha
bemorlarga kerakli tibbiy yordamni ko‘rsatishdir. Buning uchun
bemorga qulay, osoyishta, tinchlantiruvchi sharoit yaratish kerak.
Ambulatoriyaga kelgan bemorlarni
davolash ularni qabul
qilishdan boshlanadi. Odatda, bemorlarni tuman shifokorlari yoki
boshqa mutaxassislikdagi shifokorlar yuboradi. Shunday ekan,
bemorlar qayerga va nima uchun kelganliklarini yaxshi his qili-
shadi. Ko‘p narsa ularning qanday kutib olinishiga bog‘liq. Bu
ishda shifokorning ishonchli yordamchisi hamshira hisoblanadi.
Tibbiyot hamshirasi bilan bemor o‘rtasidagi munosabatlar
xarakteriga xastalikning o‘ziga xos xususiyatlari ham, bemor-
larning shaxsiy xususiyatlari ham ta’sir ko‘rsatadi. Ambulatoriya
tibbiy hamshiralarining mehnati juda serqirra bo‘lib, u yuksak
mas’uliyat bilan olib borilishi lozim.
Bemorlarning birinchi va
takroriy qatnovini hisobga olgan holda ularni qabul qilishning
aniq kunlarini belgilab chiqish, qabul vaqtiga rioya etilishini
nazorat qilish, kasallik tarixini tezda topish, qabul sabablarini
aniqlash va boshqa tashkiliy tadbirlarning
hammasi tibbiyot
133
hamshirasining ish sharoitini ancha osonlashtiradi, uning vaqtini
tejab, bemorlar uchun qulayliklar yaratadi.
Bemorni qabul qilishni tashkil etishda shuni ham nazarda
tutish zarurki, og‘ir yoki jiddiy ahvoldagi bemorlarni navbatsiz
qabul qilishdan tashqari (bunday bemorlar shoshilinch yordam
ko‘rsatishni talab qiladi), har bir ixtisoslik daftarida birinchi
galda navbatsiz qabul qilinadigan bemorlar yozilgan bo‘ladi.
Bular nogironlar, qari kishilar bo‘lib, ular somatik holati
tufayli qabulni uzoq vaqt kutib turishlari qiyin. Birinchi nav-
batda jazavali belgilari yaqqol sezilib turadigan tajovuzkor,
asabi zaif bemorlar qabul qilingani m a’qul, chunki ular shi-
fokorlar haqidagi mulohazalari bilan kutish xonasida noxush
vaziyat yaratadilar, o‘zlarining patologik his-hayajonlari bilan
oson ta’sirga beriladigan bemorlarda salbiy fikrlar uyg‘otadilar.
Ambulatoriya va poliklinikada xizmat qiluvchi hamshira.
va shifokorlar bemorlarning uyiga borib ham tibbiy yordam
ko‘rsatadilar. Bunda ular oilaning shart-sharoitlarini va oiladagi
psixologik m uhitni tushunib olishlari lozim ,
ularning
xushmuomalalik bilan bemorni tekshirishga intilishlari unga
to ‘la-to‘kis yordam ko‘rsatish bilan ajralib turishi zarur.
Hamshira davolash ishlari bilan bir qatorda sanitariya maorifi
ishlari bilan ham shug‘ullanishi kerak. Aholi o‘rtasida har xil
kasalliklar va ularning oldini olish, klinik manzarasi, davosi
masalalarida ma’ruzalar, suhbatlar o‘tkazilishi nihoyatda muhim
tadbirlardan hisoblanadi.
Bemor bilan aloqa o ‘rnatganda uning kechinmalarini
tushunish va ularni xayrxohlik bilan qabul qilish kerak. Tib
biyot hamshirasining zarur yordam va fidoyilik ko‘rsatishga
hozirligi katta ahamiyatga ega. Bemorning shikoyatlarini e’ti
bor bilan
eshitish, iloji boricha xastalik belgilarini bartaraf
etish yoki yengillashtirishga harakat qilish, dori-darmonlarni
o‘z vaqtida qabul qilishini eslatib turish hamshiralarning mu-
him burchi ekanligini doimo yodda tutish zarur.
Download
Do'stlaringiz bilan baham: 
