Umum va tib psix p65

Psixoterapevtik yo‘l bilan ishontirish. 
Psixoterapiyaning 
boshqa juda muhim bir turi ishonch hosil qilish yo‘li bilan 
davolashdir. Shifokor bu usulni qo‘llash uchun kasalni yaxshi 
bilishi kerak. Ishontirish kasal shaxsiyatining hamma xusu­
siyatlarini hisobga olib turib, individual ravishda olib borila- 
digan b o ‘lsagina shifobaxsh vosita b o ‘lib qolishi, ya’ni 
kasallikka aloqador kechinmalarning susayib, barham topishiga 
yordam berishi, bemor faolligini safarbar etishi, bemor oldiga 
uni qiziqtiradigan aniq-ravshan maqsadlar qo‘yishi mumkin.
Jamoa va guruh psixoterapiyasi.
Jamoa va guruh psixo- 
terapiyasi bir-biriga yaqin tushunchalardir. Ularning o ‘rta- 
sidagi farq shundan iboratki, guruh bo‘lib psixoterapevtik 
ta’sir qilish shifokordan chiqadi va umuman butun guruhga
126

---

qaratilgan bo‘ladi. Masalan, gipnoz seansi yoki psixoterapevtik 
suhbat o ‘tkazilib, shu seans yoki suhbat vaqtida shifokor 
nerv kasalliklarining sabablarini, ularga qarshi kurash usullarini 
muhokama qilib chiqadi.
Jamoa psixoterapiyasida ham bemorlar jamoaning har bir 
bemorga shifobaxsh ta’sir ko‘rsatishidan foydalaniladi.
Psixoterapevtik guruh a’zolarining qanday bo‘lmasin biror 
narsa yoki hodisa to ‘g‘risidagi fikrlari jamoada muhokama 
qilib chiqilganidan keyin ancha to ‘g‘ri va barqaror fikrlar 
bo‘lib qolishini V.M. Bexterev va xodimlari ko‘rsatib berdilar. 
Jamoada diqqat hajmi kengayib, idrok etiladigan foydali 
axborot miqdori ham ortishini aytib o ‘tish o ‘rinli bo‘ladi. 
M ana shularning hammasi jamoa psixoterapiyasi metodining 
foydali ekanligini ko‘rsatadi.
Emotsiyalarga kelganda, jamoada bir kasalning ikkinchi 
kasalga emotsional jihatdan ta’sir ko‘rsatishini aytib o‘tish 
kerak. Psixoterapevtik guruh kasallari to‘g‘ri tanlab olinadigan 
bo‘lsa, bu guruh kayfi ruhiyatining umuman ko‘tarilishiga, 
guruhga yaxshi «davo daldasi» berish uchun qulay sharoit 
yaratishga sabab bo‘ladi.
Kasallarning noto‘g‘ri fikrlari, pessimistik xayollari, ba’zan 
kasallarning davoga nisbatan shubha bilan qarashlarini 
birmuncha faol bo‘lgan boshqa kasallar tanqid qilib, ochib 
tashlaydilar. Jamoa psixoterapiyasi uchun kasallarni «sog‘aya- 
yotgan — sog‘ayishga boshlagan kasal» tamoyilida tanlash 
«sog‘ayishga boshlagan kasallar uchun» «shifobaxsh istiqbol» 
yaratib, ularning «sog‘ayishga ishonchini» mustahkamlaydi.