Ulıwma orta bilim beriw mektepleriniń 7-klası ushın sabaqlıq

50
Tapsırma 1.1.
Súwretlerge dıqqat penen itibar beriń, pikirlewge 
tayarlanıń. 
1-SABAQ
2-TEMA. GÚRES – MILLIY SPORT TÚRI
?
Tapsırma 1.2. 
Sorawlarǵa juwap beriń.
1. Sizler súwretlerde kimlerdi kórip turıpsız?
2. Bul kórinislerdi ulıwmalıq at penen atap, qanday tema bergen bolar 
edińiz?
3. Bul sport túrleriniń atların bilemiz be? 
4. Milliy sport degende neni túsinesiz?
5. Olarda milliyliktiń qanday belgileri kórinip turadı?
6. Sport penen shuǵıllanıw adam ushın paydalı ma? Ne ushın?
7. Mámleket ne maqsette sportqa óz aldına itibar qaratadı?
8. Xalqımızǵa tiyisli milliy sport túrlerinen qaysıların bilesiz? 

---

51
Tapsırma 1.3. 
Tekstti kóshirip jazıp, kómekshi sózlerdi tabıń. Mánili 
sózlerden ayırmashılıǵın aytıp beriń. Olardıń qanday xızmetti atqarıp 
turǵanlıǵın aytıń.
Ol bas wázirden jasırın tapsırması barlıǵın eki ayaqlı bendege tis jarmaǵan 
edi, tula bedeni juwlap, tar mańlayına qos qolın tirep girttey otırdı da bas wázir 
meni sınap jorta aytıp otırǵan shıǵar degen isenim menen jáne tiklendi.
– Ullı bas wázir, ne deseńiz qayılman, biraq Siz jóninde, saray isleri jóninde 
tilime bassam, qara qaptal bolayın.
Bas áskerbası bas wázirdiń tek qorqıtıw ushın jekiringenin túsinip otır edi. 
Máwlenniń shını menen ǵarǵanǵanına kúlip jiberdi. Bas wázir astınǵı ernin tislew 
menen kúlkisin tıydı.
– Meniń aytayın degenim, Asqar biylerdiń kelgeni emes edi, – dedi Máwlen 
art jaǵındaǵı esikte sańlaq joq pa degendey bir sıǵalap alıp. – Xan nókerliginen 
quwılǵan Alakózdiń awıldaǵı qádemlerinen axbarat bermekshi edim.
– Irkilme.
– Bayaǵı urısta óldi dep esabatı berilgen Genjemurat múyten tiri keldi. 
Alakóz benen bas qosıp aldı. 
!
Tildegi barlıq sózler