Ulıwma orta bilim beriw mektepleriniń 7-klası ushın sabaqlıq

maqset 
pısıqlawısh
delinedi. Maqset pısıqlawısh 
nege? ne maqset penen? qanday 
maqset penen? ne ushın? 
hám t.b. sorawlarǵa juwap beredi. 
Maqset pısıqlawısh tómendegi sózler arqalı bildiriledi: 
1. Maqset pısıqlawısh 
arnap, ádeyi, jorta, jortaǵa, bilqastan, 
qasaqana, jay, jaysha
hám t.b. maqset ráwishleri arqalı bildiriledi: 
1. Gúljannıń 
keliwine 
arnap
 awqat asıldı (Ó. A.). 2. Jigit oǵan jorta kewil awdarmadı (T. Q.). 
3. Ózim 
bilqastan
 sóylesiwge keldim (J. A.).
2. Barıs, orın seplik qosımtalı hám tirkewishli atawıshlardan, atawısh 
feyil hám sol feyillerdiń basqarıwındaǵı sózlerdiń dizbeginen boladı. Mısalı: 
1. Mine, tap usı másele boyınsha Murat Qámekbayǵa oylasıwǵa barǵan edi (J. A.).
3. Atawısh sózlerge hám atawısh feyilden keyin 
maqsetinde, maqseti 
menen, niyetinde, niyet penen
sózleriniń dizbeklesiwi arqalı bildiriledi. 
Mısalı: 
1. 
Bul isti tezletiw maqsetinde
 balıq zavodına Tájekeńniń ózi ketti. 
2. Qurbaniyaz ornınan turıp 
doslıq niyet penen
 qolın qısıb qoydı. 
Tapsırma 2.7. 
Tómendegi súwretler tiykarında «Tań atıp kiyatır!» 
temasında kishi kólemli kórkem tekst jazıń. Tekstti ózligińizden 
heshqanday plagiatlıqqa jol qoymastan dóretiwge háreket etiń. Tekstte 
pısıqlawısh túrlerinen ónimli paydalanıń. 

---

205
USÍNÍSNAMA QALAY JAZÍLADÍ?
Usınısnama
– qanday da bir shaxstı belgili bir orınǵa, lawazımǵa yamasa túrli 
shólkemlerge aǵza bolıw ushın usınıs etiw maqsetinde dúziletuǵın rásmiy hújjet. 
Ol adminstraciya yamasa ayırım shaxslar tárepinen beriliwi múmkin. 
Usınısnama tekstinde usınıs etilip atırǵan shaxstıń ózgeshelikleri – qánige 
sıpatındaǵı tájiriybesi, shańaraqlıǵı, minez-qulıq ózgesheligi hám iskerligine baha 
beriledi, ol usınıs etilip atırǵan lawazım yamasa shólkemge aǵza bolıwǵa múnásip 
ekenligi boyınsha isenim bildiriledi.
Usınısnama ayırım ózgeshelikleri boyınsha minezlemege uqsaydı. Olar 
arasındaǵı tiykarǵı ózgeshelik sonda, minezlemelerde shaxstıń barlıq unamlı, 
unamsız qásiyetleri kórsetiledi. Usınısnamada bolsa, onıń unamlı qásiyetleri 
kórsetiliwi menen birge, keyin ala onıń juwapkershiligine júklenetuǵın wazıypanı 
orınlay alıwǵa isenim bildiriledi hám usınıs etiledi. 
Túrli sıylıqlarǵa usınıs etiw de usınıs formasında boladı.