Ulıwma orta bilim beriw mektepleriniń 7-klası ushın sabaqlıq

1-TEMA. TEKST ÚSTINDE ISLEYMIZ

---

208
eki múshesi saw, párwayına da keltirmeydi. Seniń usınday halatqa túsiwińe sebepshi 
bolǵan ákeń dozaqta kúysin, balam, dozaqta kúysin! Ózin-ózi ǵarǵaytuǵın ádetke 
shalınǵan Rzambettiń ǵarrılıǵı usılay ótip atır. Dasturqanda qaǵazlı konfetke qarawǵa 
sirá taqat ete almaydı. Aldıma qaǵazlı konfet qoymań, ballarım. Onı kórgen kózlerim 
shıqsın, deydi azarlanıp. Qasında otırǵan Azamatı oǵan ıńıranıp bir nárselerdi aytıp 
atırǵanday boladı.
(Abatgúl Tájimuratova)
 
Tapsırma 1.3.
 
Tómendegi berilgen tekstlerdi oqıń hám qızıl menen 
jazılǵan sózlerdiń mánisin aytıp beriń. 
Bir kúni eki 
gereń 
ushırasıp qalıptı. Amanlıq-esenlikten keyin birinshisi:
– Mınaw júrgen qoylar anaw bir jılları 
mańıraytuǵın 
edi, házir awzın ashadı da 
qoyadı, bul neniń qásiyeti eken-á? – dep soraptı. Sonda ekinshi gereń turıp:
– Meniń uzın qulaq eshegimniń minezi júdá qızıq, – depti eshegine qarap, kóp 
aqıratuǵın edi,
janiwar. Bir-eki jıl boldı, aqırǵandı qoyıp, 
esnegendi shıǵardı
.
(Gazetadan)
Tapsırma 1.4.
 
Tómendegi berilgen tekstti oqıń hám oqıw dawamında 
ótilgen qaysı temaǵa durıs keletuǵınlıǵın aytıń. 
Shayır bir awıldıń ortası menen kiyatır eken, úlken otawda ıńıldap qosıq 
aytıp otırǵan qızlardıń hawazın esitipti de gilt toqtaptı. Ishtegi qızlar shayırdıń 
qosıǵın ózlerine unaǵan bir namaǵa salıp aytıp atır eken. Bul shayırǵa unap, dıqqat 
penen tıńlaptı. Abaylasa, olar qosıqtıń biraz qatarların túsirip, buzıp, aytıp atır eken. 
Shayır olar otırǵan xanaǵa kiripti hám bara sala gilemniń sabaqların olay-
bulay tartıp, naǵıslardı aljastırıwǵa háreket etipti.
«– Haw, haw, bul ne ońbaǵanlıq!» – desip qızlar órre turıp shayırǵa baqırıptı.
«– Sizlerdiń gilemińiz sekilli uzaq oy, awır miynet penen, biraq sizlerdey 
jámlesip emes, jekkelikte toqılǵan meniń qosıǵımdı nege buzıp aytıp atırsız?» – 
depti shayır. 
Qızlar bul shayırdı tanıp, keshirim soraptı.
(«Qaraqalpaqnama»)