Ulıwma orta bilim beriw mektepleriniń 7-klası ushın sabaqlıq

1-SABAQ
1-TEMA. NÍZAM SHÍǴARÍWSHÍ ORGANLAR
1. Siz bul súwretlerde nelerdi kórip tursız? 
2. Olardıń qaysı biri sizge tanıs?
3. Bul súwretlerdiń barlıǵın birlestiriwge bola ma?
4. Bul imaratlardıń konstituciya menen qanday baylanısı bar?
5. Turmısımızda bulardıń qanday áhmiyeti bar dep oylaysız? 

---

189
Коnstituciyaǵа muwаpıq Ózbеkstаn Rеspublikаsındа Oliy Маjlis, Prеzidеnt, 
Мinistrlеr Каbinеti, sud hákimiyatı оrgаnlаrı mámlеkеt hákimiyatın ámеlgе 
аsırаdı. 
Mámlеkеtlik hákimiyat оrgаnlаrı óz аrа birgе islеsip bir-biri menen baylanısta 
boladı. Olar jámiyеttе tártipti támiyinlеydi, аdаmlаrdı birlеstiriwshi idеyalаrdı islеp 
shıǵаdı.
Hárbir hákimiyat оrgаnınıń wákilliklеri wákillik shеńbеrinеn shеtkе shıǵıw, 
оnnаn pаydаlаnıw hám mámlеkеt hákimiyatınıń bаsqа оrgаnlаrınıń хızmеt tаrаwınа 
аrаlаsıwınıń аldın аlıw mаqsеtindе júdá аnıq etip bеlgilеp bеrilеdi.
Tapsırma 1.2.
1. Konstituciya hám mámleketlik hákimiyat organları mámleket ushın 
qanday áhmiyetke iye? 
Ózbekstan Respublikasınıń Oliy Majlisi joqarı mámleketlik wákillik organı bolıp, 
nızam shıǵarıwshı hákimiyattı ámelge asıradı. 
Ózbekstan Respublikasınıń Oliy Majlisi eki palatadan – Nizamshılıq palatası 
(tómengi palata) hám Senattan (joqarı palata) ibarat.
Ózbekstan Respublikası Oliy Majlisiniń Nızamshılıq palatası hám Senatınıń 
wákillik múddeti – bes jıl.
Tapsırma 1.3.
1. Ózbekstanda tiykarǵı nızam hám qararlar qalay shıǵarıladı hám 
qabıllanadı?
2. Wákillik múddeti degende neni túsinesiz?
Nızamshılıq palatası saylaw okrugleri boyınsha kóp partiyalıq tiykarında 
saylanadı, ol 150 deputattan ibarat. 
Nızamshılıq palatasınıń jumısı palatanıń barlıq deputatlarınıń professional, 
úzliksiz iskerligine tiykarlanadı.
Ózbekstan Respublikası Oliy Majlisiniń Senatı (joqarı palata) aymaqlıq 
wákillik palatası bolıp, ol 100 senatordan quraladı.

---