Ulıwma orta bilim beriw mektepleriniń 7-klası ushın sabaqlıq

Tapsırma 2.2. 
Tómendegi tekstten anıqlawıshlardı tabıń. Olardıń anıqlawıshtıń 
qaysı túrine kiretuǵınlıǵın aytıń. 
Álbette, hárkimniń táǵdiri hár qıylı. Bunday tosqınlıqlarǵa shıdaytuǵınlar da, 
shıdamaytuǵınlar da bar. Ómirdiń órshelengen tolqınlarında órge júziw hárkimniń 
qolınan kele bermeydi. Bálkim, sonıń ushın da qıyınshılıqtan qaymıqpaǵan 
adamlar xalqımız ushın da, milletimiz ushın da ańız-ápsanalarǵa aylanıp, qádir 
tutıladı. Ásirese, gáp dóretiwshi insanlar haqqında bolatuǵın bolsa, onda olardıń 
enshisine ápiwayı, qatardaǵı adamlardıń atqaratuǵın wazıypasına qosımsha 
kórkem obrazlar dóretiw juwapkershiligi de júklenedi. Bul oǵada awır jumıs 
ekenligi bárshege málim. Biraq aramızda usınday salmaqtı bir iyinnen kóterip 
júrgen jazıwshılardıń bar ekenligi biziń milliy ádebiyatımızdıń ósip, rawajlanıwın 
támiyinlew imkaniyatlarımızdıń mol ekenligin dálilleydi. 
Ómir boyı kórkem prozada qaharman obraz dóretiw mashqalaları menen 
aylanısıp júrgen Gúlaysha apa Esemuratova qıyan-kesti turmıs mashqalaların basıp 
ótip, óziniń turmıs tájiriybelerinen kórgenlerin, esitkenlerin oqıwshıları menen 
úzliksiz túrde ortaqlasıp kiyatırǵan jazıwshılarımızdıń biri. 
Haqıyqatında da, Gúlaysha apa jazıwshı sıpatında óziniń hám ózgelerdiń 
turmısınan alınǵan keshirmelerdi kórkemlestirip beriwdiń sheber ustası. Ol 
tuyǵı-sezimlerdiń ráń-báreń boyawları menen hárbir shıǵarmasınıń kórkemlilik 
sıpatların asırıwǵa erisedi. 
(A.Alniyazov)
Tapsırma 2.3. 
Qálegen kórkem shıǵarmanıń qaharmanı ushın berilgen minezlemeni 
alıp, onnan anıqlawısh hám ayqınlawıshlardı tabıń. 
!
!
!

---

188
X BÓLIM. HAQ-HUQÍQLARÍMÍZ
Tapsırma 1.1. 
Súwretlerge qarap, berilgen sorawlarǵa juwap beriń.