Ulıwma orta bilim beriw mektepleriniń 7-klası ushın sabaqlıq

Tapsırma 1.6. 
Tekst ústinde ámeliy jumıs isleymiz. 
Bunnan 21 jıl aldın «Jetkinshek» gazetasınıń redakciyasında dáslepki miynet
jolımdı baslaǵan kúnim keshegidey yadımda. Elimizge belgili talantlı shayır, jurnalist, 
!
Gáptiń quramında 
biraq, lekin, sebebi, sonlıqtan, óytkeni, 
sol sebepli, sonıń ushın
dánekerleriniń aldına útir qoyıladı. Sonday-aq,
 
hám, da, de, jáne, gá, gáhi, ya, yaki
hám t.b. dánekerler tákirarlanıp 
kelgende de, birgelkili aǵzalardıń arasına útir qoyıladı. 
Dánekerler grammatikalıq mánisi hám baylanıstırıwshılıq 
xızmetine qaray, 
dizbeklewshi hám baǵındırıwshı dáneker
bolıp 
ekige bólinedi.

---

81
sol waqıttaǵı «Jetkinshek» gazetasınıń bas redaktorı Gúlnara apa Nurlepesova meniń 
dóretiwshiliktegi ayaq alısımdı kóriw maqsetinde maqala, gúrriń jazdırıp, soń jumısqa 
alǵan edi. Rasın aytsam, sol payıtta men bul gazetanı basqa jurnalistika tarawındaǵı eń 
ańsatı degen pikirde edim. Lekin, bul dárgayǵa jumısqa kelgenimnen soń ǵana balalar 
gazetasınıń ózine tán stilin, mashaqatın tereń sezindim. Degen menen, 
«nanı juqa bolsa 
da» 
bul kásipti tańlap adaspaǵanımdı ańlap jettim. Sebebi, dúnyaǵa 
balalardıń qálbi,
kózqarası menen baǵıp, baladay pikirlep jazıw, olardıń quwanıshı, tabısları menen 
jasap, dóretiwshilik etiwdi men ustazım Gúlnara apadan úyrendim. Sebebi, ol qálbi pák 
balalardan alıslap ketpey, kásibime bolǵan mehirdi júregimde oyata aldı.
1. Avtordıń «Jetkinshek» gazetası haqqındaǵı pikiri qanday edi? 
2. Onıń pikiri qalayınsha ózgerdi?
3. Abzactaǵı qızıl menen berilgen sóz dizbeklerin qalay túsindińiz?
4. Abzacta dánekerlerdiń mánisi hám qurılısına qaray qanday túrleri 
berilgen?
Talapshań basshı, qattıqol ustazımızdıń basshılıǵında «Jetkinshek» 
gazetası dáwir menen teń ayaq qosıp alǵa qádem attı. Qolına qálem alıp, kewlindegi 
keshirmelerin, tabısların, quwanıshların aq qaǵaz betine túsirip dóretiwshilik 
dúnyasına dáslepki qádemin atqan jas qálemkeshlerdi qollap-quwatladı. Redakciyamız 
esiginen kelgen balalardıń kewlin jıqpay, olarǵa ruwxıy mádet, dóretiwshilik kúsh-
quwat beriwde hasla sharshamadı. Nátiyjede «Jetkinshek»tiń belsendi xabarshıları 
arasınan qanshadan-qansha 
Zulfiya qızları, «Jańa áwlad» dóretiwshilik festivalınıń, 
«Jas qálemkesh» tańlawlarınıń jeńimpazları
jetilisip shıqtı. Gazetamızdan jetilgen 
talantlılardıń jetiskenliklerinen ilhamlanıp, ıqlasbentlerimiz dóretpelerin «qarday 
borattı». Sonday-aq, Gúlnara apanıń baslaması menen shólkemlestirilgen «Dilwar» jas 
xabarshılar dógereginiń aǵzalarınıń sanı jıldan-jılǵa astı.