Ulıwma orta bilim beriw mektepleriniń 7-klası ushın sabaqlıq

Tapsırma 1.5.
 
Házirgi waqıtta joǵalıw qáwpi astında turǵan yamasa 
joǵalıp ketken haywan, quslardıń biri haqqında informaciyalıq 
tekst jazıń. Tekstte sózlerdi durıs hám orınlı paydalanıń. Tekstten 
qospa feyillerdi tabıń, olardı dara feyiller menen sinonim sıpatında 
almastırıp paydalanıp kóriń.

---

24
Tapsırma 2.1.
 Tómendegi abzactan feyildiń funkcionallıq formaların 
tabıń. Olardıń bayanlawısh xızmetinde kelgenligin dálilleń. 
Haywanlardıń hárbirinde ózine tán ózgesheliklerdi kóremiz. Álbette, olar 
adam sıyaqlı pikirley almaydı, biraq olarda da az bolsa da adamǵa tán qásiyetlerdi 
kóriwimizge boladı. Máselen, iytte sadıqlıqtı kórsek, pıshıqta múlayımlılıqtı 
kóremiz, atta aqıllılıq qásiyeti barday. Barlıq haywanlarda óz balasına bolǵan 
miyrimlilik, oljasına bolǵan ashkózlik qásiyetleri ushıraydı. Siz ne dep oylaysız, 
Turan jolbarısında qanday qásiyetler bar eken? 
Tapsırma 2.2.
 
Berilgen tekst tiykarında tómendegi maǵlıwmatlardı 
tolıqtırıń. Sızıqshadan keyingi túsindiriwshi sóz atlıqtan bolsın.
Qaraqalpaqlarda Turan jolbarısı mártlik hám ádilliktiń tımsalı sıpatında 
bahalanǵan. Adamlardıń aytıwına qaraǵanda, bul jolbarıslar qábiristanlarda túnep, 
olardı kóp zıyaratlap turǵan. Zıyarat etiwge baratırǵanda heshkimge tiymegen, óz 
oljasın zıyarattan qaytıp kiyatırıp alǵan. Jolbarıs qábiristanǵa barǵanda, heshkim 
úyinen shıqpaǵan. Tosınnan ushırasıp qalsa, oǵan jaqsı qatnas jasap, «sherim, 
sherim» dep aldastırǵan. Eń sońǵı jolbarıs 1957-jılı atıp óltirilgen hám ol Ernazar 
alakóz qábiriniń tusına kelip jan bergen eken. 
Haqıyqatında da, Turan jolbarısı adamǵa birinshi bolıp hújim jasamaydı. Onı 
jaralaǵanda yamasa quwǵın etkende ǵana hújim jasaǵan. Ol suwda jaqsı júzetuǵın 
bolǵan, ańǵa tek qarańǵı túskende shıqqan. Ol oljasın uzaqtan 4-5 metrden sekirip,