Ulıwma orta bilim beriw mektepleriniń 7-klası ushın sabaqlıq

Kestede berilgen xat túrlerin dıqqat penen oqıń. 
Rásmiy xat
Jeke xat
I.Yusupov atındaǵı dóretiwshilik 
mektebiniń 10-klass oqıwshısı Sársenbaeva 
Ramiyzadan «Jetkinshek» gazetasınıń 
redakciyasına
Xat
Assalawma áleykum redakciyanıń 
dóretiwshilik jámááti! Sizlerdiń gazetańızdı 
kóp jıllardan berli qunt penen oqıp baraman. 
Gazeta betlerinde járiyalanıp atırǵan qosıq 
hám maqalalar, gúrriń hám ocherkler, 
sáwbetlesiwler meniń kewlime ruwxıy 
azıq baǵıshlap, oy-órisimniń keńeyiwine 
sebepshi boldı. Bunıń ushın sizlerge sheksiz 
minnetdarshılıǵımdı bildiremen.
Gazetada shıqqan shıǵarmalardan 
ilhamlanıp, qolıma qálem alıp birqansha 
qosıqlar dóretpektemen. «Ana», «Teńiz» 
atlı qosıqlarımdı gazeta redakciyasına jollap 
atırman. 
«Jetkinshek» gazetasınıń húrmetli 
dóretiwshilik jámááti! Sizlerden usı 
qosıqlarımdı oqıp shıǵıp, gazeta betlerinde 
shıǵarıp beriwde ámeliy járdem beriwińizdi 
soranaman. 
Sálem xat
Qımbatlı qız apam Aqsulıw! Tashkent 
qalasında más bolıp oqıp atırǵan sińliń 
Dárigúlden saǵınıshlı sálem xat! Seni júdá 
saǵındım. Tashkent degen úlken-úlken 
jayları bar, júdá sulıw qala eken. Xalqı kóp. 
Ele úyrenisip kete almay atırman. Kún-
tún seni oylayman da júremen. Ózińniń 
densawlıǵıń, jaǵdayıń qalay? Meniń denim 
saw. Biraq seniń berip jibergen qárejetińdi 
tawısıp 
shamalastım. 
Jataqxanaǵa 
ornalastım, tórt qız birge bolamız. Maǵan 
tezirek pul jiberiwdiń ǵamın jegeyseń. 
Saǵınıshlı sálem menen sińliń Dárigúl!
(«Jiyren» povestinen)
Tapsırma 2.6.
Qálegen qaharmanıńızǵa jeke xat jazıń. Zárúrli til 
birliklerinen orınlı paydalanıń. 
!
!
!
!
!
!

---