Ulıwma orta bilim beriw mektepleriniń 7-klası ushın sabaqlıq

166
Bagaj kassası
– bagaj hám júk bagaj 
tasıwın rásmiylestiriw ushın arnawlı 
mólsherlengen xana;
Tuwrı alıp baratuǵın vagon
– eki 
hám onnan artıq poezdlar quramında 
qayta jalǵanıp qatnawshı vagon;
Bilet
– ulıwma paydalanılatuǵın 
temir jol transportında jolawshı tasıw shártnaması dúzilgenligin tastıyıqlawshı 
belgilengen úlgidegi tasıw hújjeti;
Bilet kassası
– jolawshılardıń háreketleniwi hám paydalanılmaǵan biletler 
ushın tólemlerdiń qaytarılıwın rásmiylestiriwshi arnawlı xana;
Ishki temir jol baylanısları
– Ózbekstan Respublikası territoriyasında 
júklerdi, jolawshılardı tasıw sisteması;
Júk jiberiwshi
– óz atınan jiberilip atırǵan júk yamasa bagaj iyesi sıpatında 
háreketleniwshi shaxs;
Júk qabıllawshı
– júk yamasa bagajdı qabıl etip alıw huqıqına iye bolǵan 
shaxs;
Shaxstı tastıyıqlawshı hújjetler
– pasport, áskeriy bilet, tuwılǵanlıq 
haqqında gúwalıq, puqaralıǵı bolmaǵan shaxs guwalıǵı yamasa waqtınsha jasaw 
ushın berilgen gúwalıq;
Kózden ótkeriw
– nızamsız aralasıw háreketin ámelge asırıwı múmkin bolǵan, 
temir jol tasıwında qadaǵan etilgen buyımlardı anıqlaw ushın baǵdarlanǵan, arnawlı 
texnikalıq qurallardı qollanǵan halda ámelge asırılatuǵın háreketler kompleksi;
Temir jol stanciyası
– jolawshılarǵa xızmet kórsetiw boyınsha operaciyalardı 
ámelge asırıwshı ulıwmalıq paydalanılıwshı temir jol transportı bólimi;
Temir jol vokzalı
– temir jol stanciyasındaǵı jolawshılarǵa xızmet kórsetiw, 
poezdlar háreketin basqarıw hám xızmet islewshilerdi jaylastırıw ushın arnalǵan 
imarat yamasa imaratlar kompleksi;
Toqtaw punkti
– tek ǵana jolawshılardı ótkeriw hám túsiriw ushın arnalǵan 
toqtaw ámelge asırılatuǵın punkt;
Jolawshı tasıw poezdı
– temir jol qatnawı baylanıslarınıń barlıq túrlerinde 
jolawshılardı tasıw ushın arnalǵan poezd. Ol óz quramına bagaj, pochta hám pochta-
bagaj vagonların qamtıwı múmkin;