Ulıwma orta bilim beriw mektepleriniń 7-klası ushın sabaqlıq

Mine, usı jaǵdaydan kelip shıqqan halda ózlerińiz bilgen yaki esitken 
gazeta-jurnal, kórsetiw, kino, radio esittiriwleri atların jazıp, olardıń jas 
ózgesheligine qaray, qaysısı balalar ushın, al qaysıları jası úlkenler ushın 
ekenligin keste kórinisinde túsiriń. 
Tapsırma 4.6.
Alımlar adamzattıń jasaǵan dáwirlerin bólgende – awıl xojalıǵı dáwiri, sanaat 
dáwiri, informaciyalıq texnologiyalar dáwiri dep úsh toparǵa ajıratadı. 
Tómendegi qosıq qatarları arqalı qaysı dáwirge tiyisli informaciyalardı 
ala alǵanıńız haqqında aytıp beriń.
1. Jiydeli Baysındı jaylaǵan ermen,
Dushpannan qorqpayman ketse de gellem.
Qoldawlı, qońırat, qıtay, qıpshaqtı,
Biriktirip eldi abat etemen.
(N.Dáwqaraevtıń «Alpamıs» draması)
2. Inaǵu bektiń balları,
Bárqulla jetti qolları,
Qıysıq bolsa da jolları,
Heshwaq keyin qalǵan emes.
(Berdaqtıń «Bolǵan emes» qosıǵı)
!
!
!

---

15
3. Digirman joq boldı, elgezer qaldı,
Qıdırmay joq boldı, telbezer qaldı,
Zamannıń adamıy dárbádar boldı,
Sonday pasent zaman boldı, yaranlar.
(Sıdıq Toqpan ulınıń «Aq qapshıq» qosıǵı) 
4. Alıs Oder dáryasınıń boyında, 
Jaralanıp qanım qatıp qoynıma,
Jatqanımda tek sen boldıń oyımda,
Kózden bir-bir ushıp turǵansań, xalqım.
(T.Seytjanovtıń «Xalqım» qosıǵı) 
5. Máni berip, ser salsań bul zamanǵa,
Ózge bir tábizli zaman kiyatır.
Kompyuterdi túsinbegen adamǵa,
Onıń test sınaǵı jaman kiyatır.
(I.Yusupovtıń «Kompyuter zamanınıń muǵallimlerine» qosıǵı)

---

16
 
Tapsırma 1.1.
 
Súwretlerge qarap pikir júritiń.