Ulıwma orta bilim beriw mektepleriniń 7-klası ushın sabaqlıq

Tapsırma. 3.2.
 Tómendegi sózlerdi siz qalay túsinesiz? Óz sózińiz benen 
túsinik berip ótiń. 
1. Rásmiy yaki is júrgiziwshi til – ...
2. Ulıwma bilim beriw – ...
3. Shet tili – ...
4. Ekinshi til – ...
5. Zamanagóy texnologiya – ...
6. Ilimiy-texnikalıq ziyalılar – ...
7. Milletler aralıq til – ...
8. Baylanıs ornatıw – ...
9. Inglis tilinde «aǵadı» – ...

---

11
Tapsırma 3.3. 
Joqarıda berilgen tekst ishinde qızıl menen boyalǵan 
qosımtalardıń sóz jasawına itibar beriń. Olardıń qaysı sóz shaqabınan 
jańa mánili sóz jasap turǵanın aytıp beriń.
Qálegen jámiyettiń qáliplesiw tiykarın – «omırtqa»sın mádeniyat 
dúzetuǵınlıǵı dálillengen. Sonlıqtan da, infoetika, mediaetika sıyaqlı informaciyalar 
mádeniyatı menen shuǵıllanıwshı óz aldına tarawlar da qáliplesken. 
Informaciyanı tarqatıw mádeniyatı – xabarlardı tańlaw, olardıń áhmiyetli 
táreplerin belgilep alıw, tarawlarǵa ajıratıw, tazalıǵına itibar qaratıp múnásibet 
bildiriw, ideyalıq tiykarın anıqlaw, xabardıń deregin anıqlastırıw menen ashılatuǵın 
qubılıs. 
Tapsırma 3.4.
 
Sorawlarǵa berilgen tekstten kelip shıǵıp juwap beriń. 
1. Siz qanday informaciyanı ózińiz ushın kerekli, al qaysı informaciyanı 
kereksiz dep esaplaysız? 
2. «Informaciya mádeniyatı» degende neni túsinesiz?
Tapsırma 3.5.
Tómendegi sózler dizbegine óz sózińiz benen túsinik beriń.
1. Mádeniyat jámiyettiń «omırtqa»sı – ...
Tapsırma 3.6.
Tómendegi sóz jasawshı qosımtalar arqalı dórendi sózler 
jasań hám olardı paydalanıp gápler qurań. 
-shı/shi, -ker, -man, -la/le, -ılda/ilde, -sha/she, -góy, -ǵısh/gish, -ım/im/m, 
-las/les, -shılıq/shilik, -lı/li
!
Qurılısı hár qıylı, biraq mánileri bir-birine jaqın bolǵan sózler 
sinonim
dep ataladı. 
Sinonimler bir sóz shaqabınıń ishinde boladı, birdey sorawǵa juwap 
berip, bir gáp aǵzasınıń xızmetin atqarıp keledi. Mısalı:
1.