Ulug’bek Hamdam romanchilik mahorati

I BOB YUZASIDAN XULOSALAR 

I bob yuzasidan quyidagi xulosalarga keldik: 

An‟anaviylik  va  novatorlik  masalasi  adabiyotshunoslik  ilmida  muhim 

masalalardan  biridir.  Har  qanday  novatorlik  an‟anaviylik  bag„rida  tug„iladi. 

An‟anaviylik novatorlik masalalari vorislik muammosiga tutashadi.  

Adabiyot  jamiyatning  in‟ikosi  sifatida  davr  bilan  hamnafas  yangilanish  va 

o„zgarishlarni  o„zida  aks  ettirib  boradi.  Bugungi  adabiy  jarayon  ham  shaklan  va 

mazmunan yangilanib, o„zgarishlarni o„zida aks ettirib bormoqda.  

Hozirgi  o„zbek  adabiyotida  ham  yozuvchi,  ham  shoir,  ham  adabiyotshunos 

sifatida  Ulug„bek  Hamdam  ijodi  o„zining  munosib  o„rniga  ega.  Adibning  ijodi 

ayricha jihatlari bilan nafaqat o„zbek adabiyotshunosligi balki rus va boshqa xorij 

adabiyoti vakillarining ham e‟tiborini tortgan. Bu borada nashr etilgan qator ilmiy 

maqolalari buning yaxlit isbotidir. 

Ulug„bek Hamdam ijodida ham  an‟anaviylik va novatorlik  masalasi o„ziga 

xos namoyon bo„ladi. Ayniqsa, adibning kichik janr hikoya borasidagi novatorligi 

alohida  e‟tiborga  loyiq.  Ulug„bek  Hamdam  o„zbek  hikoyanavisligi  an‟analarini 

davom  ettirgani  holda,  shakl  masalasining  kengligi,  obrazlar  tanlovi,  modernistik 

talqinlarga murojaat jihatidan yanglanishlar kashf etdi. Ayniqsa, yozuvchining tush 

hikoyalari  bayon  uslubi,  kutilmagan  yechim  bilan  yakun  topishi,  katarsis 

hodisasining millat va yosh jihatidan qat‟iy nazar chuqur anglanishi kabilar bilan 

yangilik  kasb  etadi.    Mazkur  hikoyalarda  mifologik,  diniy,  falsafiy  qarashlar  

uyg„unlashib ketgan.  

---

 

25