Ulug’bek Hamdam romanchilik mahorati

Dissertatsiyaning  tuzilishi  va  hajmi:  kirish,  uch  bob,  olti  fasl,  xulosa, 

adabiyotlar ro„yxatidan iborat bo„lib, 80 betni tashkil etadi. 

---

 

9 

 

I BOB. ADABIYOTDA AN‟ANA VA NOVATORLIK MASALASI 

1-Fasl. XX asr hikoyalarida an‟ana va o„ziga xoslik 

 

Badiiy  adabiyot  ijtimoiy  ong  shakli  sifatida  tarixiy  taraqqiyot 

qonuniyatlariga  bo„ysunadi.  Jamiyatda  yuz  bergan  moddiy  o„zgarishlar  badiiy 

adabiyotda ham o„zgarishlarni keltirib chiqaradi.  

San‟at  va  adabiyotdagi  o„zgarishlar  birdan  bo„lmaydi.  Adabiyotdagi 

rivojlanish    evolyutsion  tarzda  sodir  bo„ladi.  Har  bir  davr  san‟ati  o„zidan  oldingi 

san‟at  bilan  bog‟liq  bo„lib,  takomillashib,  rivojlanib  boradi.    Bir  xalq  adabiyoti 

ikkinchi xalq adabiyotiga ta‟sir etadi. Bundan esa vorislik qonuni kelib chiqadi. 

An‟ana va novatorlik masalasi vorislik qonuniyatining namoyon bo„lishidir. 

An‟ana  o„tmish  adabiyotidan  qolgan  eng  yaxshi  g‟oyaviy-badiiy  boyliklarni 

keyingi  davr  adabiyoti  tomonidan  munosib  tarzda  rivojlantirilishidir.  O„tmish 

adabiyoti yoki boshqa xalqlar adabiyotlarining eng yaxshi yutuqlari adabiy an‟ana 

bo„ladi.  Masalan,  Navoiy  o„z  asarlarida  insonparvarlik,  qahramonlik,  xalqlar 

do„stligi,  zulm  va  razolatga  nafrat  g‟oyalarini  olg‟a  surgan.  Ana  shu  g‟oyalar 

keyingi  yozuvchilar  tomonidan  rivojlantirildi  yoki  Abdulla  Qodiriy  Valter  Skott 

hamda  Jo„rji  Zaydon  ijodidagi  roman  shaklini  olib,  shu  asosda  butunlay  yangi 

o„zbek  milliy  romanini  yaratdi.  Erkin  Vohidov  esa  mumtoz  adabiyotdagi  g‟azal 

janrini yangicha ruh va mazmun bilan rivojlantirdi. 

An‟ana quyidagicha bo„ladi: 

- 

G‟oyaviy an‟ana. Bu Navoiydagi singari insonparvarlik, qahramonlik 

g‟oyalari va motivlarining rivojlanishidir. 

- 

Tiplar  an‟anasi.  Obraz  yaratish  an‟analarining  keyingilar  tomonidan 

qabul  qilinib  rivojlantirishidir.  Farhod  –  Azizxon  –  Evklion,  Gobsek  –  Qori 

Ishkamba ana shu tiplar an‟anasining namunasidir. 

- 

Formal an‟analar. Shunisi muhimki, g‟oyaviy an‟analar dunyoqarashi 

bir-biriga  yaqin  yozuvchilar  tomonidan  rivojlantiriladi.  Formal  an‟analar  esa 

dunyoqarashi  turlicha  bo„lgan  yozuvchilar  tomonidan  ham  rivojlantirilishi 

---

 

10 

mumkin.  Chunki  badiiy  shakl  dunyoqarashga  betaraf    bo„ladi.  Lekin  har  bir 

yozuvchi  mavjud  shaklni  o„zining  dunyoqarashidan  kelib  chiqib  bo„ysundirishi 

mumkin. Demak, formal an‟ana bu oldingilardan meros qolib, keyingi yozuvchilar 

tomonidan rivojlantirilayotgan janrlar, tasvir vositalari, vazn

 

hamda qofiyalardir. 

Badiiy shakl sohasidagi an‟analar quyidagicha davom ettiriladi: 



  Mavjud janr shakllarini rivojlantirish; 



 

O„tmish an‟analarini sintez qilish; 



  Mavjud shakldan qisman foydalanib, butunlay yangi janr yaratish. 

Masalan: poema, roman, g‟azal. 



 

Eski shakllarni “tiriltirish”; 

Har  bir  yozuvchi  o„zidan    oldingilarning    tajribasiga    suyanib,  biror  yangi 

fikr aytishga harakat qiladi, ularning g‟oyalarini rivojlantiradi. 

Har qanday yangi asar oldingisiga qaraganda olg‟a qo„yilgan qadam bo„ladi. 

Oldingi  asar  darajasiga  ko„tarila  olmagan,  taqlidiy  asarlar  bundan  mustasno. 

Keyinroq yaratilgan asarni yangilik darajasi turlicha bo„ladi. 

O„tmish  adabiy  an‟anasidan  foydalanib  yaratilgan  yangilik  novatorlikdir. 

Har  bir  asarda  ham  novatorlik  belgilari  bo„ladi,  har  bir  yozuvchi  u  yoki  bu  

darajada  novatordir.  Lekin  har  qanday  asar  ham,  har  bir  yozuvchi  ham  to„la 

ma‟noda  novator  bo„lavermaydi.  Haqiqiy  novator  sifatida  Hamza  o„zbek 

adabiyotida mavjud bo„lmagan drama  janrini,  Abdulla Qodiriy roman janrini olib 

kirdi  va  yuksak  darajaga  ko„tardi.  Abdulla  Qahhor  yaratgan  Qalandarov  obrazi 

ham yuksak mahorat bilan yaratilgan yangilikdir. Lekin har qanday kutilmagan va 

oldingi  asarlarda  uchramaydigan  adabiy  hodisa  novatorlik  bo„lavermaydi. 

Novatorlik haqiqiy va soxta bo„lib, haqiqiy novatorlik o„tmish adabiy an‟analariga 

asoslanib,  adabiyotda yangilik yaratishdir. Ba‟zan novatorlik eskirgan formalarni 

qayta  “tiriltirish”ida     ham  namoyon  bo„lishi  mumkin.  Soxta novatorlik esa  yo„q 

joydan  yangilik  yaratishga  urinish  natijasidir.  Bu  holda  yozuvchi  o„tmish  adabiy 

an‟analarini  mensimay,  hech  biriga  o„xshamaydigan  yangilik  yaratib,  hammani 

qoyil qoldirmoqchi bo„ladi. Natijada u muvaffaqiyatga erisha olmaydi. 

---

 

11 

Bugungi  kunda  o„zbek  adabiyotidagi  badiiy  yangilanishlar,  shakliy-

mundarijaviy  izlanishlar  mustaqillikning    qo„lga    kiritilishi  tufayli  milliy 

tafakkurda  paydo  bo„lgan  o„zgarishlar  bilan  bog‟liq.  Darhaqiqat,  istiqlol  yillari 

o„zbek  she‟riyatida  falsafiy-intellektual  ohang  ancha  kuchaydi.  Nasrda  inson 

ruhiyatini,  ehtiros,  his-tuyg‟ularning  keng  silsilasini  turfa  ziddiyatli  bo„yoqlarda 

aks ettirish, odamzod  shuurini band etgan muammolarni butun murakkabligi bilan 

suvratlantirish,  shaxsning  yuksak  milliy-umuminsoniy  mohiyatini  ekspressiv 

tarzda ochib berishga intilish yetakchi yo„nalishga aylandi. 

Ijtimoiy  ongda  yuzaga  kelgan  o„zgarishlar  ifodasi  sifatida  ko„ngil 

dunyosining teran qatlamlariga kirib borish, o„zgarayotgan ma‟naviy olamni idrok 

etishning  yangicha  shakl-tamoyillarini  kashf  etish  uslubiy-shakliy  izlanishlar 

tabiati hamda ko„lamini belgilab bera boshladi. Ijod, e‟tiqod va so„zga munosabat 

tubdan yangilandi. 

Ma‟lumki,  har  bir  davr  o„z  aqidalari,  dunyoqarashi,  estetik  qadriyatlarini 

ilgari suradi. Mavjud ijtimoiy-psixologik vaziyat, nazariy asos badiiy tizimga ham 

ta‟sir  ko„rsatadi.  Tabiiyki,  milliy  ma‟naviyat  jarayonini  shakllantirishda  ruhiy 

munosabatlarning  ham  shaxsiy,  ham  ijtimoiy  mohiyatini  poetik  tadqiq  etish, 

an‟anaviy  va  zamonaviy  badiiy  tamoyillarning  uzviy  aloqadorligi  tajribalarini 

umumlashtirish,  publitsistik-falsafiy  tasvir  ko„lamini  kengaytirish,  turfa  badiiy 

shakllarni  uslubiy-mazmuniy  izlanishlar    bilan  boyitish  muhim  ahamiyat  kasb 

etadi.  

Modomiki,  mohiyatni  yangilab  turishga  yo„naltirilgan  adabiyot  jamiyat 

belgilab  bergan  mezonlarga  tayangan  holda  rivojlanar  ekan,  ongning  tadrijiy 

takomili  poetik  tafakkur  usul  va  vositalari,  ifoda  va  tasvir  imkoniyatlarini  ham 

tabiiy  ravishda  o„zgartirib  yuboradi.  Demak,  o„z  san‟atining  spetsifik 

xususiyatlarini aniqlab olishda  ichki – badiiy-psixologik omillar bilan bir qatorda, 

tashqi – ijtimoiy-falsafiy fikr taraqqiyotini ham hisobga olish lozim. 

Qadim  zamonlarda  Sharq  mumtoz  adabiyoti  uzoq  an‟analar  ta‟sirida 

shakllandi.  Adabiyot  qadim  zamonlarda  og‟zaki,  keyin  esa  og‟zaki  va  yozma 

rivojlanib  keldi.  Falsafa,  axloq,  huquq,  tarix,  psixologiya  kabi  fanlarda 

---

 

12 

bo„lganidek, badiiy adabiyotda ham asosiy obyekt inson  va insonning ichki hamda 

tashqi  dunyosi,  taqdiri,  hayoti  va  kurashidir.  Ammo  uzoq  tarixga  ega  bo„lgan 

adabiyotda  inson  obrazi  turli  davrlarda  turlicha  tasvirlangan.  Qadimgi  davrlarda 

adabiyotda  bevosita  insonlarni,  ularning  o„zaro  munosabatlarini  tasvirlashdan 

ko„ra,  asosan  tabiatni  –  kun  va  tunni,  quyosh,  oy  va  yulduzlarni,  o„simliklar  va 

hayvonlarni,  aniqrog‟i  insonning  tabiat  hodisalariga  munosabatini  tasvirlash 

markaziy  o„rinni  egallagan.  Chunki  u  davrlarda  inson  tabiat  hodisalarini  ilohiy 

kuch  –  qudratning  zohir  bo„lishi  deb  tushungan.  Masalan,  qadimgi  hind 

adabiyotida    o„simliklar,    ilonlar,    fillar,    mollar  asosiy  obraz  sifatida 

ilohiylashtirilib tasvirlangan. Yoki turkiy xalqlar adabiy yodgorliklarini  o„z ichiga 

olgan  “Devonu lug‟atit turk” kitobidagi she‟rlarning ko„pchiligida, shuningdek, yil 

fasllari munozarasi, qish bilan yozning “olishuvi”  keng tasvirlangan. Yozning qish 

ustidan g‟alabasi katta shodiyona sifatida ko„rsatilgan.  

Ana  shu  faktlarga  asoslangan  holda  qadim  zamonlarda  adabiyotning  tasvir 

obyekti  inson  emas,  tabiat  hodisalari  bo„lgan  deb  xulosa  chiqarish  to„g‟ri 

bo„lmaydi,    albatta.  Bu  faktlar  qadimgi  davr  adabiyotida  insonning  tabiatni 

dualistik  tarzda  tushunish,  tabiat  hodisalariga  munosabati  asosiy  tasvir  obyekti 

bo„lgan, deb xulosa chiqarish imkonini beradi. 

Adabiyotda  qadim  zamonlarda  tabiatni   ilohiylashtirib  tasvirlash  birinchi 

planda turgan bo„lsa, keyinchalik insonnni ilohiylashtirib tasvirlash oldingi planga 

chiqdi.  Bu  hol  qadimgi  Yunon  adabiyotida  –  Gomerning  “Iliada”,  “Odisseya” 

dostonlarida,  Esxel,  Sofokl,  Evripidning  tragediyalarida  asosiy  tendensiyaga 

aylandi. 

Undan  keyin  esa  adabiyotda  insonni  tabiat  va  jamiyatga  munosabatini 

romantik  umumlashmalar  tarzida  tasvirlash  kuchaydi.  Shuning  uchun  ham 

adabiyotda  har  xil  qahramonlik  eposlari  vujudga  kela  boshladi.  Jasurlik,  kuch, 

bahodirlikning,  donishmandlikning umumlashma timsoli bo„lgan obrazlar yaratish 

mayli kuchaydi.  

Fransiyada  “Roland  haqida  qo„shiq ”,  Germaniyada  “Nibelunglar  haqida 

qo„shiq”,    Rossiyada  “Igor  polki  jangnomasi”  kabi  eposlar  paydo  bo„lganligi  ana 

---

 

13 

shundan  dalolat  beradi.  Hind  adabiyotida  “Ramayana”,  fors  adabiyotida 

“Shohnoma”  (Firdavsiy),  o„zbek  adabiyotida  “Farhod  va  Shirin”,  “Saddi 

Iskandariy”  (Navoiy),  “Alpomish”  kabi  dostonlar  ham  insonni  romantik 

umumlashmalar  vositasida  ulug‟lash  tendensiyasining  Sharq  adabiyotidagi 

prinsiplari asosida yaratilgan. 

Uyg‟onish davri adabiyoti  so„z san‟ati taraqqiyotning yangi bosqichini tashkil 

etadi.  Chunki  Dante,  Bokachcho,  Rable,  Shekspir,  Servantes  ijodida 

umumlashtirish    inson  shaxsini  har  taraflama  tasvirlash,  hayotni,  voqelikni  keng 

planda ko„rsatish kabi mukammallik kasb etadi. 

Shunday qilib, insonni, uning xarakterini, ichki va tashqi dunyosini,  umid va 

intilishlarini, hayoti va kurashini tasvirlash jahon adabiyotida asta-sekin rivojlanib 

bordi.  Bu  taraqqiyot  A.S.Pushkin,  N.V.Gogol,  F.M.Dostoyevskiy,  L.M.Tolstoy, 

A.P.Chexov  tomonidan  yaratilgan  rus  romantik  adabiyotida  yanada  yorqinroq 

ko„rindi va yangi bosqichga ko„tarildi. 

O„zbek adabiyoti hind, fors, arab adabiyoti, keyinchalik esa  rus va u orqali 

XX  asr  boshida  jahon  adabiyoti  an‟analariga  yondashib    rivojlandi.  Shuningdek, 

qadimgi tarixga ega adabiyotlar o„ziga xos xususiyatlarni yuzaga chiqardi. XX asr 

boshlarida  adabiyot o„zbek xalq og‟zaki ijodi va mumtoz adabiyotimiz an‟analari 

ta‟sirida  rivojlandi.  Folklor  ta‟sirida  yangi  davr  o„zbek  adabiyoti  yuzaga  keldi. 

Uning  an‟analarini  o„ziga  xos  tarzda    rivojlantirdi.  Folklorga  xos  soddalik 

she‟riyatining    barmoqda  ekani  yangi  o„zbek  she‟riyatining  ana  shu  vaznda 

yaratilishiga  ma‟lum  darajada  asos  bo„ldi.   Yangi  o„zbek  adabiyotining 

shakllanishida  “Alpomish” dostonining ham o„ziga xos o„rni bor. 

Yangi o„zbek adabiyoti rivojida  jahon so„z san‟atining hissasi ham salmoqli. 

Ayniqsa,  rus  tili  orqali  qilingan  tarjimalar  (Bayron,  Gyote  kabi  ijodkorlar 

Y.Lermontov,  A.Pushkin  asarlaridan  qilingan  tarjimalar)  XX  asr  she‟riyatining 

shakllanishida  muhim  o„rin  tutdi.  Ammo  o„zbek  adabiyoti  ushbu  ijodkorlar 

asarlariga  o„z    vaqtida  ta‟sir  ham  ko„rsatgan.  XX  asr  she‟riyatining  shakllanishi, 

keyingi  avlod  shoirlarining  yetishib  chiqishida  Abdulhamid  Cho„lpon  ijodining 

alohida  o„rni  bor.  Cho„lpon  Robindranat  Tagor  haqidagi  maqolalarida 

---

 

14 

adabiyotning    jamiyat  hayotidagi  o„rni,  Robindranat  Tagorni  jahon  adabiyotidagi 

mavqeini alohida ta‟kidlaydi. Cho„lpon ijodi Sharq va G‟arb adabiyotini o„ziga xos 

bog‟lovchi ko„prik vazifasini bajardi.  

Abdulla  Qodiriy  esa  o„zbek  romanchilik  maktabini  boshlab  berdi.  U 

jahondagi  hind,  nemis,  fransuz,  rus  romanchilik  maktabidan  keyin  beshinchi-

o„zbek  romanchilik  maktabiga  asos  soldi  (Bertels  iborasi).  Abdulla  Qodiriy  arab 

romanchiligi  an‟analaridan  foydalandi.  Bu  borada  Jo„rji  Zaydon,  Ferdenand 

Dyushen an‟analarini davom ettirdi.   XX asr boshlarida Fitrat she‟riyat, proza va 

dramaturgiya 

sohalarida 

ulkan 

muvaffaqiyatlarga 

erishdi. 

U 

Shekspir 

tragediyalariga  xos  jihatlarni  o„rgandi  va  ushbu  janrning  go„zal  namunalarini 

yaratdi.  Yangi  o„zbek  adabiyotining  novatorlik  belgilari,  avvalo,  she‟riyat,  proza, 

dramaturgiyaning ifoda usullari va vositalaridagi o„ziga xoslikda ko„rinadi. 

Realistik  proza  shakllandi.  Barmoq  vazni    she‟riyatda  yetakchi  bo„lib  qoldi. 

Shuningdek,  davrning  tezkor  voqeliklarini  aks  ettiruvchi  aruz,  sarbast,  erkin 

vaznning  go„zal  namunalari  yaratildi.    An‟ana  va  novatorlik  muammosi  o„zbek 

adabiyotshunosligida o„ziga xos talqinlarni topdi. Izzat Sulton, Umarali Normatov, 

Sobir  Mirvaliyev,  Matyoqub  Qo„shjonov,  Bahodir  Sarimsoqov,  Homil  Yoqubov 

kabi qator adabiyotshunoslar asarlarida bu masala atroflicha yoritildi. 

Adabiyotshunoslikka  oid  eng  so„nggi  lug‟atlarda  adabiy  an‟anaga  “o„tmish 

adabiyoti  to„plagan  ijodiy  tajribalar  qaymog‟i,  davrlar  o„tishi  bilan  ahamiyati  va 

dolzarbligini  yo„qotmagan,  boqiy  qadriyatga  aylanib,  avloddan-avlodga  o„tib 

kelayotgan  qismi”

10

  ,-  deya  ta‟rif    beriladi.  Demak,    adabiy  an‟ana  doirasiga 

o„tmish adabiyoti erishgan yutuqlar, to„plagan tajribalarning hammasi ham emas, 

balki  uning  muayyan  davr  ijodkorlari  tomonidan  dolzarb  deb  topilgan,  boqiy 

qadriyat  sifatida  baholangan  va  o„z  ijodiy  faoliyatlarida  namuna  deb  hisoblagan 

qismigina  kiradi.  Har  bir  avlod  o„tmish  adabiyotiga  saylab,  saralab  munosabatda 

bo„ladi, unga faol ijodiy yondashadi, salaflar tajribasini  o„z davri qo„ygan badiiy-

estetik  vazifalarni  bajarishga  xizmat  qildiradi.  Shunga  ko„ra,  adabiy  an‟ana  va 

                                                 

10

 Quronov D., Mamajonov Z., Sheraliyeva M. Adabiyotshunoslik lug‟ati. –T.: “Akademnashr”, 2010, 12-bet 

---

 

15 

yangilik hamqadamligi qonuniy hodisa bo„lib, bu ikkisi dialektik aloqadagi birlikni 

tashkil etadi va adabiyot taraqqiyotining muhim ichki omiliga aylanadi.  

Har  bir  davr  o„zidan oldingi davr    adabiyotida    mavjud  eng  yaxshi  jihatlarni 

o„ziga  singdiradi  va  o„zidan  nimadir  qo„shishga  intiladi,  shu  asosda  taraqqiyot 

jarayonining uzluksizligi ta‟minlanadi. Adabiyotdagi vorisiylik, adabiy an‟analarga 

sodiqlik milliy adabiyotdagi o„ziga xoslik, milliy qiyofani yo„qotmaslik kafolatidir. 

Tabiiyki,  boy  adabiy  an‟anaga  tayangan  adabiyotning  rivojlanish  imkoniyatlari 

boshqalarga  nisbatan  yuqori  bo„ladi.  Masalan,  xalqimizning  boy  adabiy-madaniy 

an‟analari  XX  asr  boshlarida  kuzatilgan  yangi  o„zbek  adabiyotining  shakllanish 

jarayoni tez kechishini ta‟minladi.  

Adabiyotimiz  juda  qisqa  fursat  ichida  jahon  adabiyotidagi  yutuqlarning 

ko„pini ijodiy o„zlashtirib, tadrijiy boyib bordi.  Aytaylik, roman G‟arb adabiyotiga 

xos  janr  ekanligi,  uning  o„zbek  adabiyotida  o„zlashishi  20-yillarga  to„g‟ri  kelishi 

ma‟lum.  Biroq  g‟arbona  shakl  adabiyotimizni  boyitdigina  emas,  balki  adabiy 

an‟analarimiz    zaminida    uning  o„zi  ham  boyidi  –  o„zbek  romanchiligi  dunyoga 

keldi.  “Milliy  romanchiligimizning  ilk  namunasi  bo„lmish  “O„tgan  kunlar”dan 

boshlab    “Otamdan  qolgan  dalalar”gacha  bo„lgan  namunalarida  ming  yilliklar  

bilan    o„lchanadigan  adabiy-madaniy  an‟analarimiz  izlari  bor,  shu  tufayli  ham  u 

o„zining qiyofasiga ega “o„zbek romani”dir”.

11

 

Adabiy  an‟ana  hamisha  novatorlik,  adabiy  yangilik,  adabiy  o„ziga  xoslik 

tushunchalari  bilan  yonma-yon  qo„llanadi.  Novatorlik  lotincha  “novator” 

so„zlaridan olingan bo„lib, yangilovchi, yangilanuvchi demakdir. U adabiy jarayon 

bilan bog‟liq kategoriya, adabiy jarayonda  an‟ana bilan har vaqt dialektik aloqada 

mavjud  bo„lgan  hodisa,  adabiyot  taraqqiyotining  muhim  ichki  omili,  badiiy 

tafakkur  rivojiga sezilarli ta‟sir o„tkazib, keyinchalik an‟anaga aylanuvchi muhim 

badiiy-estetik  yangilik  hisoblanadi.  Adabiy  an‟anaga  saylab  va  tanqidiy 

munosabatda bo„lolgan, o„z davrining badiiy-estetik ehtiyojlarini teran his etolgan 

ijodkorgina  yangilik  yaratishga  qobil  bo„la  oladi.  Unutmaslik  kerakki,  davrning 

badiiy-estetik  talab-ehtiyojlarini  shu  davrda  qalam  tebratgan  ijodkorlarning  bari 

                                                 

11

 Quronov D., Mamajonov Z., Sheraliyeva M. Adabiyotshunoslik lug‟ati. –T.: “Akademnashr”, 2010, 13-bet 

---

 

16 

ham  his  etadi,  shu  ma‟noda,  talantli  ijodkorlarning  hammasiga  ham  muayyan 

darajadagi  novatorlik  mavjud.  Ayni  chog‟da,  novatorlik  xususiyatlari  davrning 

yirik san‟atkorlari ijodida mukammal ifodasini topadi.  

 

Adabiy  an‟analar  asosida  takomillashib  borayotgan  Ulug„bek  Hamdam 

ijodining  mavzu ko„lami u qadar keng va xilma-xil bo„lmasa-da, unda har qanday 

vaziyatda, tuzumda  ham insonni har tomonlama aniq tasvirlash tamoyili yetakchi 

o„rin  tutadi.  Tasavvuf  ta‟limotidagi  komil  insonni  emas,  aksincha,  real  hayotda 

zamon  va  makonda  yashab  kelayotgan,  his-tuyg„ulari,  dunyoqarashi,  ma‟naviy-

ruhiy  olamining  o„ziga  xos  tomonlari  mavjud  bo„lgan  inson  obrazini  yaratish 

muallif ijodining bosh konsepsiyasidir. 

Xulosa o„rnida aytish mumkinki, adabiyot  taraqqiyotida adabiy an‟ana va 

novatorlik  masalasi  ko„p  asrlik  tarixga  ega  dolzarb  muammodir.  Bu  boradagi 

tadqiqotlar ijodkor uslubi, davr adabiyoti tavsifida juda muhim. 

Ijodi tadqiq etilayotgan Ulug„bek Hamdam o„zbek adabiyotida bayon uslubi, 

obraz  yaratish  mahorati,  asar  kompozitsiyasi  va  asar  poetikasi  yuzasidan  adabiy 

an‟analarni  munosib  davom  ettirish  barobarida  bir  qator  uslubiy  yangilanishlarni 

ham  amalga oshirdi.   Shitob bilan  yangilanib borayotgan  adabiyotda  an‟anaviylik 

asosida  ham  barcha    adabiyot  ahlini  befarq  qoldirmaydigan    asar  yaratish 

mumkinligini qator hikoyalari va romanlari misolida  isbotladi.