Ulug’bek Hamdam romanchilik mahorati

2.2. Ulug„bek Hamdam hikoyalaridagi novatorona yondashuv masalasi 

Ulug„bek  Hamdam  ijodi  yangilikka,  yangilanishlarga  boy.  Bu  haqda 

adabiyotshunos olimlar, tanqidchilar ham alohida e‟tirof etadilar. Jumladan, adabiy 

tanqidchi  U.Normatov  shunday  yozadi:  “Yolg„izlik”  nomi  ostida  chop  etilgan 

to„plamidan o„rin olgan qissa va hikoyalarini o„qib ko„ring-a, ularning barchasida 

Ulug„bek  va  unga  tengdosh,  zamondosh,  maslakdosh  o„tish  davri    yangi  adabiy 

avlod  qalbidan  kechayotgan  yangilanish,  evrilishlar  jamiki  qirralari,  tovlanishlari  

bilan  namoyon  bo„lganiga  ishonch  hosil  qilasiz.  Yetmish  yillik  mafkuraviy 

tazyiqlar,  qolip  tusini  olgan  mustabid  tafakkur  asoratlaridan  ozod  erkin 

---

 

17 

mushohada,    o„z  qalbida  atrofida  yuz  berayotgan  jarayonlarni o„zgacha,  yangicha 

idrok etib, o„zgacha yo„llarda talqin etish hollari Sizni hayratga soladi”

12

. 

Darhaqiqat,  bugungi  kun  o„zbek  adabiyoti  vakillari  orasida  Ulug„bek 

Hamdam  o„zining  chuqur  sermazmun  roman  va  hikoyalari  bilan  xalq  og‟ziga 

tushgan  yozuvchilardan  biridir.  Uning  “Muvozanat”,”Isyon  va  Itoat”,  “Sabo  va 

Samandar”  kabi  romanlari,  “Uzoqdagi  Dilnura” qissa  va  hikoyalar    to„plami  XX 

asr  o„zbek  adabiyotida  o„z  o„rniga  ega.  Shuningdek,  “Tangriga  eltuvchi  isyon”, 

“Atirgul”  va  “Seni  kutdim”  she‟riy  to„plamlari,  “Badiiy  tafakkur  tadriji”, 

“Yangilanish ehtiyoji”, “Yangi o„zbek sheriyati” nomli monografiyalari ham nashr 

etilgan. 

Ulug„bek Hamdam zamonaviy  o„zbek adiblari orasida asarlari boshqa tillarga 

ko„p  o„girilayotgan  va  O„zbekistondan  tashqarida  e‟tirof  etilayotgan  oz  sonli 

ijodkorlardan  biridir.  Uning  “Isyon  va  itoat”  romani,  “Yolg„izlik”  qissasi,  o„nga 

yaqin  hikoyasi  va  she‟rlari  ruschaga  tarjima  qilindi.  Ijodkorning  “Tosh”  degan 

hikoyasi  va  bir  qancha  she‟rlari  ingliz  tiliga  o„girildi.  “Muvozanat”  romani  va 

“Tosh” hikoyasi Amerikada  e‟tirof etildi. Ulug„bek Hamdam Mavlono Rumiyning 

“Ichindagi ichindadir” (2001) va professor U.Turonning “Turkiy xalqlar mafkurasi 

tarixi” nomli asarlarini turk tilidan o„girdi. 

Ulug‟bek  Hamdam  asarlari  bugungi  kunda  allaqachon  o„z  o„quvchilarini 

topgan.  Uning  asarlari  o„quvchini  tanlaydigan  asarlardir.  Ijodidan  bahramand 

bo„lmoqchi  bo„lgan  o„quvchida  ma‟lum  intellektual  tayyorgarlik  bo„lishi  kerak. 

Chunki  “Ulug‟bek  Hamdam  asarlaridagi  murakkab  ramzlar  uncha-muncha 

o„quvchiga og‟ir tuyulishi hech gap emas. Eng muhimi shuki, Ulug‟bek  Hamdam 

o„quvchini  faqat  o„zigagina  xos  bo„lgan  ruhiy  olami  bilan  tanishtiradi.  Ulug‟bek 

mavzu  va  uslub  tanlashda,  bayon  va  asar  tuzilishida  hech  kimga  taqlid  qilmaydi. 

Hatto  unda  kimdandir  ijodiy  ta‟sirlanish  degan  taqlidning  nozik  shaklini  ham 

payqamaysiz”.

13

    Ulug‟bek    Hamdam  asarlarini  mutolaa  qilgan  o„quvchi  o„zbek 

adabiyotida shakl va ma‟nodagi yangilanishlardan yaxshi xabardor bo„ladi. Chunki 

                                                 

12

 Норматов У. Кичик жанрнинг катта имкониятлари// Хамдам У. Ватан ҳақида қўшиқ. –T.:  Академнашр, 

2014. Б.425. 

13

 Rahmat R. “Vatan haqida qo`shiq” ni tinglab…// Kitob dunyosi gazetasi N 16 (187) 2014-yil 2-avgust 7-bet 

---

 

18 

uning  asarlarida  hozirgi  nasrimizda  kechayotgan  tub  o„zgarishlarning  barcha 

qirralari  o„z  aksini  topgan.  “Ulug‟bek  Hamdam  asar  shakli  va  ma‟nosini  o„z 

ichidan  izlab  topadi.  Uning  yozganlarini  o„qiyotganda  jahonga  mashhur  qaysidir 

yozuvchining  qandaydir  asari  yodingizga  tushmaydi.  Asar  yaratish  uslubi, 

ramzlari, iztirob va ruhiy izlanishlari o„zinikidir”.

14

  

Yozuvchining bir qator hikoyalari ixcham janr - hikoyaning noyob qirralari, 

imkoniyatlarini  kashf  eta  oldi.  Ulardagi  ham  dunyoviy  realistik,  ham  xayoliy-

romantik,  ham  so„fiyona  ilohiy  talqinlar  sintezi  -  garmoniyasi  asarlar  poetikasiga 

ayricha  qiyofa  baxsh  etadi.  Jumladan,  “Bir  piyola  suv”,  “Musulmon”,  “Tosh” 

hikoyalarida  ana  shu  sintezning  o„ziga  xos  talqinini  kuzatish  mumkin.  Ularda  

betinim fikrlovchi shaxs hikoyalarning qahramoni tarzida namoyon bo„ladi.  

Ulug„bek  Hamdam  hikoyalarining    yana  bir  xos  xususiyati  ko„p  holllarda 

asarlaridagi roviy bilan qahramonni ajratib bo„lmay qoladi. Bir qator hikoyalarning 

monolog tarzida bitilganligi ham bejiz emas. Ayniqsa, muallifning tush-hikoyalari 

monolog  tarzida bitilgan. Jumladan, adibning “Vatan haqida qo„shiq” to„plamiga 

kiritilgan 12  ta hikoyadan  6 ta tush-hikoya  bo„lib,  ulardan  4 tasi  monolog tarzida 

bitilgan.  Mazkur  hikoyalarda  tizginsiz  o„y-tafakkur  talqini,  inson  ruhiyatining 

taftishi  aks  ettirishda  ritorik  so„roq,  emotsional-ekspressivlik  bilan  to„yintirilgan 

nutq ifodasi yetakchilik qiladi.    

“Lop  etib  hammasi  yodimga  tushdi.  Axir...  mening  vazifam  bormasmidi, 

juda    muhim  topshiriq  bilan  yo„lga  tushmaganmidim?!  Keyin...  keyin  to„satdan 

qosh  qorayganini  payqab,  dahshatdan  kesakday  qotdim:  hammasi  sob  bo„ldimi?! 

O„z  zimmamga yuklatilgan muqaddas vazifani uddalayolmay dog„da qoldim deya 

baqirmoqchi  bo„ldim...  lekin  ovozim  chiqmadi,  chiqmadi-yu,  hayqiriq  naq 

miyamda portlaganini aniq his qildim...” 

Bir  piyola  suv  ichaman  deb  butun  umrini  uning  to„loviga  sarflagan 

insonning  qismati  tasvirlangan  “Bir  piyola  suv”  hikoyasi  ramziy-majoziy, 

mifologik  tasvirlar  asosiga  qurilganligi,  kutilmagan  yechim  bilan  kitobxonni 

hayratda  qoldirishi    kabi  sifatlari  bilan  ayricha  xususiyat  kasb  etadi.    Maxsus 

                                                 

14

 Rahmat R. “Vatan haqida qo`shiq” ni tinglab…// Kitob dunyosi gazetasi N 16 (187) 2014-yil 27-avgust  7-bet 

---

 

19 

topshiriq  bilan  yo„lga  chiqqan  yo„lovchi  nafsning  yo„liga  kirib  yoshligini,  butun 

imkoniyatini,  hayotini  boy  berdi.  Eng  achinarlisi,  izlagani  o„zida,  o„zligida  edi. 

Yo„lovchining  qaytib  kelganida  aravasidan  tomchib  turgan  suv  uning  aql  ko„zini 

ochadi. Afsuski, vaqt o„tib bo„lgan, g„isht qolipdan ko„chgan edi.     

Ruhiy-psixologik  talqinlar  bilan  boy  tasvirlar  qahramonning  holatini  aniq 

berish  barobarida  kitobxonga  ham  ushbu  ruhiyat  tasvirini  “yuqtiradi”.  Asarni 

o„qish mobaynida ayni holat kitobxonda ham kechayotgandek tasavvur uyg„otadi. 

Savollar  va  murojaat  shakllari  esa  kitobxonni  oddiy  retsidientlikdan  asardagi 

voqelikning ishtirokchisiga aylantiradi. Ulug„bek Hamdamning asarlarini, xususan, 

hikoyalarini ham  shunchaki o„qib  bo„lmaydi.  Ularda inson tafakkuri,  ruhiyatidagi 

o„zgarishlar  ayni  o„zgarishlarga  mos  usulda  beriladi.  Umuman  olganda,  adabiy 

tanqidchi  U.Normatov  ta‟kidlaganidek,  “Ulug„bek  Hamdam  hikoyalariga  nazar 

tashlasangiz, muallif  badiiy  tafakkurida to„xtovsiz o„zgarish, yangilanish jarayoni 

kechayotganligiga,  miqyos-ko„lamning  tobora  kengayib  borayotganligiga  amin 

bo„lasiz”

15

. 

Bu yangilanishlar, tafakkurdagi o„zgarishlar butunlay yangicha shaklda ham 

taqdim  etiladi.  Ya‟ni  muallifning  tush  hikoyalari  an‟anaviy  hikoyachilikning 

novatorlik  asosida  ro„yobga  chiqarilgan  mahorat  samarasidir.  Bu  haqda 

U.Normatov  shunday  yozadi:  “Avvalgidek,  yangi  yozilgan  hikoyalarida  ham 

xayolot  bilan  reallik,  tush  va  o„ngda  kechgan  hodisalar  yondosh  holda  keladi, 

hodisalarni xilma-xil rakurslarda turib yoritish an‟anasi davom etadi. Ammo yangi 

hikoyalardagi  hodisalar  talqini,  falsafiy-badiiy  mushohadalar  ko„lami  hiyla  keng, 

teran.  “Ko„nglimdagi  daryo”,  Unutilgan  nay  navosi”,  “Ko„zini  ochib  yumgan 

odam”,  “Pillapoya”,  “Bir  piyola  suv”,  “Musulmon”  hikoyalarining  har  birida 

romanga  arzigulik teran poetik  ma‟no  mujassam.  Janrning kichik  jussa,  yelkasiga 

romanga  xos  salobatli  yuk  ortilgan.  Eng  muhimi,  ularda  so„nggi  yillar 

adabiyotimizda,  qolaversa,  jahon  adabiyotida  ham    tansiq  bo„lib  turgan  o„ziga 

yuksak  ideallarni  tashuvchi,  idealga  intiluvchi  qahramonlar  birin-ketin  bo„y 

ko„rsatayotir”. 

                                                 

15

 Норматов У. Кичик жанрнинг катта имкониятлари// “Ватан ҳақида қўшиқ. –T.:  Академнашр. Б.425. 

---

 

20 

“Musulmon” hikoyasida egizak aka-uka Hasan bilan Husan orasidagi diniy 

e‟tiqod  va  real  hayot,  bu  yorug„  dunyo  gultoji    atalmish  inson  oldidagi  burch 

muammosiga  yondashuv  xususida    so„z  boradi.  Butun  asar  davomida  reallik  va 

qisman  sirli-sehrli  g„aroyibot  orasida  kechgan  voqea-hodisalar,  bahs-munozaralar 

ifodasi,  talqini  oxir-oqibat  inson  himmatining  ustuvorligi  bilan  yakunlanadi.  Bu 

asarga epigraf qilib olingan hazrat Navoiyning 

“Kimki bir ko„ngli buzug„ning xotirin shod aylagay,  

Oncha borkim, Ka‟ba vayron bo„lsa, obod  aylagay”  

degan shoh bayti  tasdig„i bilan yakunlanadi. 

Asarda  bir  ota-ona  farzandlari  bo„lgan,  hatto  bir  fursatda  tug„ilgan,  bir 

muhitda  yashagan  ikki  farzand,  ikki  insonning  ikki  olami  talqini  kontrast  usulda 

chuqur  ko„rsatib  berilgan.  Bir  muammoga  ikki  xil  qarash,  ularning  har    birini 

o„ziga  xos  asosi  bor.  Biroq  bu  asoslar  ezgulik  oldida,  insoniylik  oldida  qanday 

qimmat  kasb  etadi.  Bu  asar  davomida  ochib  boriladi.    Hikoyaning  tag  zaminida 

Naqshbandiyning “Dil ba yoru, dast ba kor” falsafasi sezilib turadi. 

Hikoya  qahramonlaridan  Hasan  solim  e‟tiqodni  sidqidildan  qilingan 

ibodatda ko„radi. E‟tiqodga soya soluvchi har qanday voqea-hodisadan hadiksirab 

yashaydi.  Ibodat  paytida    biror  narsaga    chalg‟ishni  istamaydi:  “Avval  ibodat, 

keyin  madad”,  -  bu  uning  kundalik  shioriga  aylanib  ketgan.  Husan  esa    ezgu 

amalni birlamchi deb hisoblaydi. Qo„lidan kelganicha  boshqalarga ezgulikni ravo 

ko„radi. Egizaklarning har bir xatti-harakati, muloqot va bahslari bir g‟aroyib qush 

hamrohligida tasvirlab boriladi. Dastlab bu qush oddiy parranda sifatida hikoyaga 

kirib keladi: “Ko„klam keldiyu, hovlidan bir qushcha ketmas bo„ldi... “ 

Otalari  betobligidan  xabar  topishib,    egizaklar  yo„lga  otlanishganda  qushlar 

ham  juftlashib,  ularga  hamroh  bo„ladi.  Bekatlardan  birida  ovqatlanib  bo„lgach, 

“daraxt  poyida  ibodat  qilishar  ekan,  tuyqusdan  tepalarida  vijir-vijir  boshlanib 

qoldi.  Husanning  diqqati  bo„linib,  pichirlab  aytayotgan  oyatlar  tiliga  kelmay 

tutildi.”  Hikoya  davomida  qahramonlarga  hamrohlik  qilayotgan  qushlar  ramziy 

obraz  sifatida  kiritilganiga  guvoh  bo„lamiz:  “Hammasiga  o„xshasayam  baribir 

boshqa qush bular!” 

---

 

21 

Hasan-Husan  xasta  otalarini  ziyorat  qilayotganlarida  qushlar  yana  hozir-nozir 

bo„ladilar.  Qaytayotganlarida  dovonda  to„xtab,  “so„raganlar  ko„p”ligi  uchun  non 

xarid  qiladilar.  O„shanda  ham  “qushchalar  teparoqda  charx  urib  o„z  tilida 

nimalarnidir so„ylashgancha aylanishardi”. 

Egizaklar  ustida  tinimsiz  charx  uradigan  sirli  qushlar  bir  marta,  o„shanda  ham 

Hasan-Husanlar o„g‟li tengi yigitchalar tepkilayotgan bir kimsani qutqarish uchun 

borganlarida  o„zlarini  g‟alati  tutadilar.  Bu  kimsaning  shayton  suviga  qaram 

bo„lganini  bilgan  ”Husan  nima  qilishini  bilmay  serrayib  turib  qolgandi,  ko„k 

yuzida  paydo  bo„lgan  qushchalarning  vijir-vijiridan  sergak  tortdi.  Qarasa,  Hasan 

masjid tomon odimlab, qushlar  ham o„sha yoqqa uchib boryapti ekan...” Voqealar 

so„ngida  kutilmagan  hodisa  ro„y  beradi.  Masjid  shiftidan  ko„chib  tushgan  ganch 

parchasi  bir  qariyaning  uvishib  qolganidan  uzatib  o„tirgan  oyog‟i  ustiga  tushadi. 

Og‟ir  ahvolda  qolgan,  oyog‟i  singan  mo„ysafidni  tashqariga  olib  chiqadilar. 

Qariyani  og‟ir  ahvolda  tashlab  ketishga  ko„ngli  bo„lmayotgan  Husan  mashina 

to„xtatib,  uni  kasalxonaga  olib  jo„naydi.  Qushlardan  biri  mashinaga  ergashib 

parvoz  qiladi.  Hasan  esa  ibodatga  chorlayotgan  azon  tovushini  eshitib,  masjidga 

shoshadi. Unga ergashib uchib borayotgan qushcha esa, bezovtalanib, charx uradi, 

keyin  esa  osmonga  ko„tarilib,  ko„zdan  g‟oyib  bo„ladi.  Gap  shundaki,  qushchalar 

ko„zdan    g‟oyib  bo„lishi  bilan  qiyg‟os  gullagan  o„rik  ham  oppoq  gullarini  duvva 

to„ka boshlaydi. Hikoya quyidagi umidvor jumla bilan nihoyasiga yetadi: “Daraxt 

gullashdan charchamasa, qushcha ham qaytib qolar axir...”. 

Asarda  qo„shaloq  qushlar  e‟tiqod  va  ezgu  amal  timsoli.  Sof  va  samimiy 

e‟tiqod  gul  bo„lsa,  ezgu  amallar  uning  mevasidir.  Shuning  uchun  ham  Ulug‟bek 

Hamdam  qadimiy  ramzlar  orqali  zamondoshlarga  o„z  da‟vatini,  falsafiy 

mushohadalarini yetkazmoqchi bo„lgan. 

Ulug„bek  Hamdam    asarlarida,  xususan,  hikoyalarida  ham  o„zni  anglash, 

kelish-ketishning  mohiyatni  teran  anglash  bosh  mavzudir.  Hikoyalardagi  nafaqat 

inson,  hatto  jonzotlar,  tabiat  hodisalari  jumladan,  oy  ham  ana  shu  anglash, 

anglanish yo„lida. 

---

 

22 

“...va u yerga ko„milgan xazinani ko„rish umidida ko„zini katta ochib qaradi: 

yo qudratingdan, tushmi bu yo o„ng? To„lin oy qarshisida o„ziga quyib qo„ygandek 

yana  bitta  oy  turardi!  Jilmaysa,    jilmayar,    xo„mraysa,  xo„mrayardi.  To„lin  oy 

o„zini  tanidi!  ...to„lin  oy  botiniga  quloq  berib,  boshqa  hech  kim  va  hech  nimani 

istamayotganini tuyib qoldi...” Chunki u o„zini, o„z botinini, oy bo„lib yaralganlik 

qismatini  anglab  bo„lgan  edi.    Adib  yaratgan  har  bir  obraz  hayotdagi  o„rnini 

anglashga, kelish-ketishning ma‟nisini oydinlashtirishga intiladi.  

“So„z”  hikoyasida  ham  novatorona  yondashuv  guvohi  bo„lamiz.  Unda 

“O„tgan  kunlar”  romanidagi  Yusufbek  hoji  kabi  ayolining  barcha  chaladumbul 

holatlariga  chidab  kelayotgan  er  obrazining  an‟anaviylikdan  chekingan  yangicha 

talqinini  ko„ramiz.  Bir  og„iz  so„z  bilan  umrining  besamar  ketganligini  anglagan 

erning ruhiy qiynoqlari, birgina so„zning inson umriga ulkan ta‟siri o„zgacha bayon 

uslubida  bayon qilinadi. Butun umrni  bema‟ni qilgan, xotirani zahalagan so„zdan 

er “asabiylashar, siqilar, ezilar, erning ichi kundan-kun sho„rlab borar”, “erkakning 

ichiga  tushgan  tuz  zahri  ortib  borardi”.  Bu  kabi  talqinlar  bilan  yozuvchi  bir 

tomondan  ko„ngilning  qanchalar  nozik  ekanligini  tasvirlasa,  ikkinchi  tomondan 

so„zning  qudratiga  ishora  qiladi.  Shuning  uchun  ham  adib  hikoyaning  avvalgi 

nashrdagi  sarlavhasi  -  “Bir  og„iz  so„z”ni  keyingi  nashrida  “So„z”  nomiga 

almashtiradi. 

“Tamomila o„zgacha - rivoyat usuli, uslubida bitilgan, poetik tuzilishi, inson 

qismati, ma‟no ko„lami  ifodasi jihatidan “Na‟matak” ka yaqin turadigan “Safar”, 

“Vatan  haqida  qo„shiq”-  na  an‟anaviy,  na  modern,  na  postmodern  qolipiga 

tushmaydigan  hikoyalar  muallif  ijodida  yangi  bir  tamoyil    boshlanayotganidan 

dalolat bo„lsa ajab emas”

16

-deya ta‟kidlaydi U.Normatov.  

“Ulug„bekning  aynan  shu  “qalamning  qayrog„i”  deb  nom  olgan  kichik 

janrda  salkam  chorak  asrdan  beri  qalam  tebratib,  betinim  izlanib,  uning  yangi-

yangi  imkoniyatlarini  kashf  etishga  urinayotgani,  o„rtacha  hikoya  hajmida  “mini 

roman” namunalarini yaratishga urinayotgani har jihatdan tahsinga sazovor”

17

.      

                                                 

16

 Норматов У. Кичик жанрнинг катта имкониятлари// “Ватан ҳақида қўшиқ. –T.: Академнашр. Б.425. 

 

17

 Ўша асар… 

---

 

23 

Har  qanday  san‟at  asarining  saviyasi  uning  badiiyligi,  tasvir  usullarining 

rang  –  barangligi,  voqealarning  ketma  -  ketligi  va  xarakterning  ishonarligi  bilan 

o„lchanadi.  Hozirgi  hikoyachilikning  namunasi  sifatida  Ulug„bek  Hamdam 

hikoyalarida ham lirizm bilan hajviy ohang, reallik bilan  g‟ayritabiylik, ertaknamo   

usullar  bilan  fantastik  elementlar  o„zaro  chatishib  ketganki,  bu  o„ziga  xos  tasvir 

usulini yuzaga keltirgan.   

Hozirgi  adabiy  jarayonda  hikoya  janrining  faolligi,  sermahsulligi, 

serqirraligi    rang-barangligi    adabiyotshunoslik    fani  oldiga  ham  muhim  

vazifalarni    qo„ymoqda.  So„nggi  paytlarda  adabiy  tanqidda  hikoyachilikda  yuz 

berayotgan yangiliklar,  ijobiy o„zgarishlar, yutuq va nuqsonlarni tez ilg‟ab, tahlil 

etishga asdoydil kirishildi. Janrga xos turli muammolar bag‟ishlangan alohida yirik 

tadqiqotlardan  tashqari  birgina  hikoyani  chuqur  tahlil  etish  orqali  janrning  yangi 

imkoniyatlari  va  asosiy  xususiyatlarini  ochib  beruvchi  o„nlab  maxsus  maqolalar 

ham  paydo  bo„ldiki,  bu  adabiyotshunoslik  va  adabiy  tanqidning  munosib  ham  

yutug„idir. Ayni tadqiqotlarning ko`pi Ulug`bek Hamdam atrofida kechayotganligi  

bejiz emas. 

Xulosa  sifatida  aytish  mumkinki,  yozuvchi  Ulug„bek  Hamdam  ijodida 

mavzular  ko„lami  u  qadar  keng  bo„lmasa-da,  yangi,  dolzarb  muammolarning 

ko„tarib  chiqilishi  va  chuqur  falsafiy  mushohada  asosida  talqin  etilishi  bilan 

alohida ahamiyat kasb etadi. 

Ulug„bek  Hamdam  o„zbek  hikoyanavisligi  an‟analarini  davom  ettirgani 

holda,  shakl  masalasining  kengligi,  obrazlar  tanlovi,  modernistik  talqinlarga 

murojaat jihatidan yanglanishlar kashf etdi. Ayniqsa, yozuvchining tush-hikoyalari 

bayon uslubi, kutilmagan yechim bilan yakun topishi, katarsis hodisasining millat 

va yosh jihatidan qat‟iy nazar chuqur anglanishi kabilar bilan yangilik kasb etadi.  

Mazkur hikoyalarda mifologik, diniy, falsafiy qarashlar  uyg„unlashib ketgan.  

---

 

24