УўК: 65. 89 Кбк: 56. 12 А–82 Асаб тизимингиз саломат бўлсин

6.14. Юрак ўйнаши, бўғилиш, бош айланиши 
Юрак ўйнаши, нафас сиқилиши ва бош айланишида 
икки қисм валериана илдизи, лимонўт ва дасторбош ўти, 
уч қисм қизилпойча аралашмасидан тайёрланган дамла-
мани (бир стакан қайнаган сувга 1 ош. қ.) кунига ярим ста-
кандан хўплаб ичиш фойда беради. Шунингдек, эрталаб 
ва кечқурун тенг миқдорда валериана илдизи, мойчечак 
гуллари, зира уруғи аралашмасидан дамлама 0,5 стакан-
дан ичилади (бир стакан қайнаган сувга 1 ош. қ.).
6.15. Уйқусизлик ва ортиқча таъсирчанлик 
Уйқусизлик ва ортиқча таъсирчанликда арчагул, ва-
лериана илдизи, тоғ ялпизи ва сушеница ўти аралаш-
масидан 4:1:3:3 нисбатда дамлама тайёрланади. Тўрт 
ош қошиқ аралашма бир литр қайнаган сувга қўшилади 
ва термосда 12 соат дамланади. Кунига 4 маҳал 1 ош. 
қ. дан ичилади.
Укроп уруғи, валериана илдизи, тоғ ялпизи ўти, зира 
уруғидан тенг миқдорда олиниб, дамлама тайёрланади 
ва чой ўрнида ичилади (бир стакан қайнаган сувга бир 
ош қошиқ аралашма).
6.16. Бел соҳасидаги оғриқлар 
Бел соҳасидаги оғриқларда қирғичдан ўтказилган 
ерқалампир илдизи баданга суртилади. Кунига 4 маҳал 
қуруқ ловия қўзоғидан тайёрланган қайнатма ярим ста-
кандан ичилади (1 литр сувга 20 г).
6.17. Радикулит
Радикулитда девясил илдизидан қайнатма 1 ош. қ. 
дан кунига 3 маҳал овқатдан олдин ичилади. Тунда оғри-

---

Асаб тизимингиз саломат бўлсин
115
ётган жойга қариқиз баргининг тукли томони қўйилади. 
Мойчечак гули ва туяйўнғичқадан тенг миқдорда малҳам 
тайёрланади ва суртилади. Суртилган жой дока билан 
боғлаб қўйилади. Кечқурунлари тоштўпи, мойчечак, қи-
зилпойча ва маржон гулларининг тенг миқдорда аралаш-
маси дамламасидан иссиқ компресслар қилинади.
Кекса одамларга момақаймоқнинг янги илдизлари ва 
сельдерей ширасидан кунига 2-3 маҳал овқатдан олдин 
ичиш тавсия этилади. Бу марказий асаб тизими фаолия-
тини рағбатлантиради. Юрак фаолиятини яхшилаш учун 
календула гулларидан дамлама тайёрланади. Кунига 3 
маҳал 1 ош. қ. дан ичилади. Тетиклаштирувчи ва тинч-
лантирувчи восита сифатида бир ой давомида кечқурун 
тоғ ялпизи толқони ёки бодрезак мевасидан дамламани 1 
ош. қ. дан ичиш мумкин (бир стакан қайнаган сувга 10 г).