Ҳудудларда ичимлик суви таъминоти яхшилаш бўйича 2022 йилда амалга ошириладиган устувор вазифалар тўғрисида

Ҳурматли Президент,

Жорий 2022 йилда Ижтимоий ва инфратузилмани ривожлантириш дастури доирасида вилоят бўйича 4 та лойиҳа (булар, Қоракўл туманида 3 та лойиҳа ва Ромитан туманида 1 та лойиҳа) амалга оширилмоқда. Мазкур ишларга жорий йилда

61,1 млрд.сўм маблағлар йўналтирилади.
2022 йил “Обод қишлоқ” ва “Обод маҳалла” дастурлари доирасида вилоятдаги 26 та маҳалла ва қишлоқларда жами 325,2 км ичимлик суви тармоқлари ҳамда 10 та сув иншоотларини қуриш ва таъмирлаш ишларига 81,3 млрд.сўм маблағ ажратилиши белгиланган.
Вилоят бўйича барча даструларнинг амалга оширилиши натижасида жорий йил якунида марказлашган ичимлик суви билан таъминлаш даражаси 69 фоиздан 71 фоизга етказилади.

Ҳудудларда оқава хизматини яхшилаш бўйича амалга оширилаётган тадбирлар тўғрисида.


Муҳтарам Шавкат Миромонович,

Бугунги кунда Бухоро ва Когон шаҳарлари ҳамда Қоровулбозор туманида истиқомат қилувчи 197,1 минг нафар аҳоли марказлаштирилган оқава хизмати кўрсатиб келаётган бўлиб, вилоят бўйича оқава тармоғи билан таъминланганлик даражаси 10 фоизни ташкил қилади.

Жумладан оқава тармоқлари билан таъминланганлик даражаси Бухоро шаҳрида 173,0 минг нафар (61%), Когон шаҳри 19,2 минг нафар (31%), Қоровулбозор туманида 4,9 минг нафар (26%) аҳолисига оқава хизмати кўрсатиб келаётган қолган туманларда оқава хизмати мавжуд эмаслиги аҳолининг яшаш турмуш тарзига салбий таъсир қилиб келмоқда.
Бундан ташқари 23 та оқава иншоотларидан 7 та (30,4%) оқава иншооти, 208,7 км оқава тармоқларидан 104,5 км (50%) оқава тармоқлари тамирталаб эканлиги аҳолининг норозилигига сабаб бўлмоқда.
Бугунги кунда вилоятимизда Жаҳон банки кредитлари асосида Бухоро ва Самарқанд шаҳарлари оқава тизимларини реконструкция қилиш бўйича умумий қиймати 55,0 млн АҚШ доллар бўлган лойиҳа амалга оширилмоқда.
Мазкур лойиҳа доирасида Бухоро ва Когон шаҳарларида
д-160/1000 мм бўлган 83,3 км оқава сув тармоқларида ҳамда 8 та оқава насос станциялари қурилиш ва реконструкция қилиниш ишлари бажарилади, бош оқава насос станцияси модернизация қилинида.
Бу лойиҳа якунига етгандан сўнг, Бухоро шаҳрида оқава тизими таъминоти даражаси 61 фоиздан 86 фоизга етади, Когон шаҳрида оқава тизими таъминоти даражаси 31 фоиздан 50 фоизга етказилади.