Ҳудудлар ривожланишини давлат томонидан тартибга солиш

Инвестиция дастурларини ишлаб чиқиш ва амалга ошириш. Ҳудудлардаги ижтимоий инфратузилмани яхшилаш, ушбу соҳада тўпланиб қолган муаммоларни самарали ҳал қилиш, ишлаб чиқариш инфратузилмасини мақсадли ривожлантиришда инвестиция дастурларининг аҳамияти муҳим. Мамлакатимизда бугунги кунга қадар, яъни ислоҳотларнинг дастлабки босқичида инвестиция дастурлари бир йилга тасдиқланиб, қатор йўналишларни ўз ичига олган эди (1-расм).


1-расм. Бир йилга мўлжалланган Давлат инвестиция дастурининг
асосий йўналишлари⁵
Ислоҳотларнинг янги босқичи талабларини инобатга олиб, бошқарувда янги усулларни қўллаш, ўрта ва узоқ муддатли режалаштиришга ўтиш шароитида инвестиция дастурини шакллантиришдан тортиб, унинг мониторингини амалга ошириш жараёнларини такомиллаштириш, унга замонавий ахборот-коммуникация технологияларини жорий қилиш эхтиёжи туғилди.
Юқоридагиларни инобатга олиб, инвестиция дастурларида белгиланган лойиҳаларни самарали амалга ошириш, унга масъул бўлган турли даражадаги давлат ва хўжалик бошқаруви органлари, маҳаллий ҳокимликлар раҳбарлари жавобгарлиги ва манфатдорлигини ошириш мақсадида 2020 йилдан бошлаб мамлакатимизда ҳар йили тасдиқланаётган инвестиция дастурларини 3 йилга тасдиқланиши жорий этилди. Бунда ҳудудий концепциялар, дастурлар, тармоқ дастурлари ва Ўзбекистон Республикаси Президенти ва ҳукумати қарорларида белгиланган топшириқларни ҳисобга олган ҳолда дастурга кирган лойиҳа ва чора-тадбирларни янгилаб бориш, инвестиция дастури лойиҳасини шакллантириш ва уни тасдиқлашнинг янги тартиби жорий этилди (2-расм).




2-расм. Уч йиллик Давлат инвестиция дастурларини
шакллантииш ва тасдиқлашнинг янги тартиби⁶
Янги жорий қилинган тартиб, ҳудудларни ривожлантириш концепцияларини тўлақонли амалга ошириш, улардаги ижтимоий ва ишлаб чиқариш инфратузилма ҳолатини яхшилаш, туман ва шаҳарларни мутаносиб ва комплекс ривожлантириш ва режалаштириш имкониятини яратади.