Учитесь быстро читать

3. Regressiya muammosi 
Matnni o'qishdagi regressiya deyilganda ko'z nigohining o'qilgan 
matnni qayta o'qish uchun ortga qaytishi tushuniladi. Bu kamchilik 
keng tarqalgan, lekin ba'zi odamlar bu kamchilik o'zlarida borligiga 
ishonishmaydi ham. Ular o'zlari sezmagan holda (balki, ishonch hosil 
qilish uchundir) har qanday matnni qaytib o'qishga odatlangan 
bo'lishadi.
Regressiyali o'qishda 100 ta so'zdan 10-15 tasi qayta o'qiladi. 
Bu esa o'qish tezligini keskin kamaytirib yuboradi.
Ba'zi odamlar har qanday oson yoki qiyin matnni ham bir xilda 
sekin o'qishadi. Xolbuki, yoqilg'i-moy materiallari sarfi bo'yicha 
choraklik hisobotni biror sonni izlab, ko'z yugurtirib (skanerlab) 
o'qish, yangi avtomobil motori haqidagi jurnaldagi maqolani esa 
sinchiklab o'qish mimkin. 
Demak, 
bizning 
o'qish 
tezligimiz 
oldimizga 
qo'ygan 
maqsadimizga, matnning xarakteriga va xatti-harakatlarimizga 
bog'liq. Biz aqliy faoliyat ko'nikmalarimizni avtomatizm darajasiga 
yetkazishimiz va zarur bo'lganda birortasini qo'llash malakasiga ega 
bo'lishimiz kerak. 
4. Artikulyatsiya muammosi 
Biz ichdan kitob o'qiganimizda lablarimiz, tilimiz va boshqa nutq 
organlarimiz faqat tashqaridan qaraganda harakatsiz bo'lib ko'rinadi. 
Aslida, ular doimiy yashirin harakatda bo'lishadi. Bu mikro 
harakatlarning intensivligi o'qishning rivojlanganlik darajasiga va 
matnning murakkabligiga bog'liq. 
Bolalikda orttirilgan so'zlarni pichirlab o'qish odati ba'zi 
odamlarda oz miqdorda bo'lsada saqlanib qolgan bo'ladi. 
Yoshligimizda hammamiz ovoz chiqarib o'qib o'rganganmiz. Yillar 
o'tishi bilan bu refleksiya kamayib, ovoz chiqarib o'qishdan pichirlab 
o'qishga va keyin o'zicha ichdan o'qishga o'tadi. Bu odatning zarari 
shundaki, biz harflarni gapirish tezligida o'qishdan nariga o'ta 
olmaymiz. Artikulyatisiyasiz o'qishda esa inson harflab, bo'g'inlab 
emas, balki so'zlarni, so'z birikmalarini tanib o'qiydi. Bu ko'nikma 
ham barchada mavjud. Uni yanada ko'proq rivojlantirish tez o'qish 
ko'nikmasini egallashga sabab bo'ladi. 
Artikulyatsiyani yo'qotish uchun olimlar davriy tovushdan 
foydalanishadi. Inson o'qiyotganda o'sha davriy tovushni eshitmay 
qolsa, artikulyatsiyasiz o'qishga erishilgan bo'ladi, deb hisoblashadi. 
Bunga, biror qiziqarli narsani o'qiyotganimizda soatning chiqillaganini 
sezmasligimizni misol qilib keltirish mumkin. 

---