Учитесь быстро читать

5. Ko'rish maydoni muammosi 
Ko'rish maydoni deganda, nigohni bir qaratishda ko'zga 
ko'rinadigan matn bo'lagi tushuniladi. Odatdagi o'qish usulida 
harflarga, so'zlarga, ko'pi bilan bir-ikki so'zga nigohni qaratamiz. 
Bunda, ko'z nigohi bir joydan ikkinchi joyga juda ko'p marta sakraydi. 
Buning oqibatida o'qish tezligi sezilarli darajada pasayadi. Olimlar 
buning oldini olish uchun ko'rish maydonini kengaytirishni tavsiya 
qilishadi. 
Agar ko'rish maydoni kengaysa, har bir qatorda to'xtalishlar 
soni kamroq bo'ladi, bu esa o'qish tezligini ancha oshiradi. Tez 
o'qiydigan odamlar bir qarashda nafaqat bir-ikki so'zni, balki butin 
qatorni ko'rishadi, ba'zan esa butun bir gapni ham ko'rishadi. Bunda, 
ko'z nigohining gorizontal harakati kamayadi va ko'z nigohi faqat 
vertikal harakatlanadi. Bunga misol qilib, gazetaning ensiz 
kolonkalaridagi matnni o'qishda ko'z nigohining vertikal bo'ylab 
harakatlanishini keltirish mumkin. 
Hozirgi kunda tez o'qish ko'nikmasini egallashga yordam 
beruvchi kompyuter dasturlari ko'p tarqalgan. Ular yordamida so'zlar 
ekranga navbati bilan chiqib-yoqoladi. Bu trenajyorlardan 
foydalanish insonning intellektural qobiliyatlarini keskin yaxshilaydi. 
6. O'qish usulini aniqlash. 
O'qish jarayonining o'ziga xos jihatlarini o'rganib, qanday 
kamchiliklar bo'lishi mumkinligi bilan tanishdik. Endigi masala, o'z 
kamchiliklarimizni bilishdir. Buning uchun quyidagi 10 ta savolga 
javob berish taklif qilinadi. Javoblarni har kim o'z imkoniyatlaridan 
kelib chiqib o'zicha belgilashi mumkin. Har bir javobga ma'lum ball 
belgilangan. Har bir javob uchun ballarni belgilab borish talab etiladi. 
1. Har doim ham Siz o'qishdan oldin aniq maqsad va 
motivga ega bo'lasizmi?
Hamisha juda aniq maqsad va motivga ega bo'laman ......... 10 
Odatda aniq maqsad bilan, lekin motivsiz o'qiyman .............. 6 
Ba'zan ........................................................................... 4 
Gohi-gohida ................................................................... 2 
Hech qachon .................................................................. 0 

---