Учебное пособие по предмету «Каракалпакский язык» написано и утверждено на основе учебного плана и рабочей программы. Учебное пособие предназначено для студентов высших учебных заведений, обучающихся по специальности на узбекском языке

23.2. Tekstti oqıń. Astı sızılǵan sózlerge soraw qoyıń.
Sporttaǵı tabıslarımız
Ǵ árezsizlik jıllarında sportqa, sonıń ishinde balalar hám jas óspirimlerdiń sport penen shuǵıllanıwına mámleket tárepinen qaratılǵan ayrıqsha itibardıń nátiyjesinde sońǵı jılları jáhán háwes eterlik tabıslar qolǵa kirgizildi. Burın 8 sport mektebi ǵana jumıs alıp barǵan respublikamızda házirgi waqıtta 3212 sport obektleri, sonıń ishinde 42 sport mektebi, 700 den aslam sport zalları, 20 ǵa jaqın stadionlar, 4 basseyn, 1 manej, 2,5 mıńǵa shamalas sport maydanshaları túrli sport penen shuǵıllanıwshılarǵa imkaniyatlar esigin ashtı. Nátiyjeler bolsa, kóz quwandırmaqta. Burın Aziya hám jáhán chempionatlarına qatnasıwǵa úmit te etpeytuǵın bolsaq, ǵárezsizligimizden keyin respublikamız sportshıları jáhán arenalarında úlken tabısları menen kórine basladı. Sporttıń ǵalabalıǵı en jayıp, dene tárbiyası menen shuǵıllanıwshılar sanı 350 mıńǵa shamalastı. Sport sektsiyalarında turaqlı shuǵıllanıwshılar 112600 ge shamalas bolsa, sonıń 38551 i hayal – qızlardan ibarat bolǵanlıǵı da kóp nárseni ańlatadı.
Bıyılǵı jıldıń dáslepki altı ayındaǵı tabıslarımızdı alıp qarasaq, Ózbekstan chempionatı hám kuboklarında sportshılarımız 120 altın, 142 gúmis hám 209 bronza, jámi 471 medaldı qolǵa kirgizdi.
Al xalıqaralıq sport jarıslarında dáslepki yarım jılda 43 medal jeńip alındı. Ótken jılı bolsa, jıl dawamında sportshılarımız bunday jarıslarda 45 medal iyelegenligin esapqa alsaq, respublikamız sportı hár jıl sayın alǵa ilgerilep atırǵanınıń gúwası bolamız.
Sportshılarımız búgin jáhánniń túrli mámleketlerinde jarısqa túsip, Ózbekstan bayraǵın kóklerge kótermekte. Búgin bizler Qaraqalpaqstannan házirge shekem 45 ten aslam jáhán chempionlarınıń shıǵıwı, al Aziya chempionlarınıń sanı 80 nen asqanın maqtanısh penen ayta alamız.
Bulardıń bári balalardı kishkene waqıtlarınan baslap sport shınıǵıwlarına tartıw, olar arasında jarıslar shólkemlestirip, uqıbı bar balalarǵa ayrıqsha dıqqat qaratılıp, tárbiyalanıwına baylanıslı ekenligin turmısımızdıń ózi dáliyllemekte.
Bular keshe biz kim edik, búgin kim boldıq degen sorawdıń juwabı bolsa, birinshi Prezidentimiz I.Karimovtıń «Ana jurtımızdıń ıǵbalı hám ullı keleshegi jolında xızmet etiw – eń joqarı baxıt» atlı miynetinde atap kórsetkenindey endi biz «Erteń kim bolıwımız, qanday sheklerdi iyelewimiz kerek, degen soraw ústinde oylanıwımız, tek oylanıp ǵana qoymastan, ámeliy islerimiz benen juwap beriwimiz kerek». Bul ushın bolsa, imkaniyatlarımız jeterli.