Учебное пособие по предмету «Каракалпакский язык» написано и утверждено на основе учебного плана и рабочей программы. Учебное пособие предназначено для студентов высших учебных заведений, обучающихся по специальности на узбекском языке

23.3. Tekstten ráwishlerdi anıqlań.
Salamat xalıq, salamat millet ullı islerdi ámelge asıradı
Perzentlerimizdi balalıǵınan tiykarınan, mektep jasınan baslap sporttı óziniń ómirdegi turaqlı joldası dep biliwin, olar ómir boyı sport penen dos bolıp qalıwın, bunıń ushın elimizde barlıq sharayat hám imkaniyatlar jaratılǵanlıǵın ayrıqsha atap ótiw orınlı.
Búgingi kúni 60 tan aslam sport túri menen shuǵıllanıp atırǵan jas sportshılarımızdıń kontinent hám dúnya júzi kólemindegi abıraylı jarıslarda qatnasıp, joqarı dárejelerge kóterilip atırǵanlıǵın maqtanıp tilge alsaq arzıydı.
Bul baǵdarda qızlarımızdıń sportqa degen qızıǵıwshılıǵı ayrıqsha ekenin aytıwımız kerek.
Eń áhmiyetlisi, sport penen dos bolǵan balalar biz ushın pútkilley jat hám zıyanlı aǵımlarǵa qosılıp ketpeydi.
Sport elimizde bárkamal áwladtı tárbiyalawdıń eń áhmiyetli hám kúshli faktorı bolıp keldi. Sebebi, «sport – bul bárinen burın salamat áwlad, salamat keleshek degeni».
Óytkeni, tek salamat xalıq, salamat millet ǵana ullı islerge uqıplı boladı» – degen edi birinshi Prezidentimiz.
23.4. Ózlerińiz toparlarǵa bólinip tekst dúziń.
1 – topar «Ózbekstandaǵı sporttıń rawajlanıwı» degen temada ishinde ráwishlerdi keltirip tekst dúziń.
2 – topar Qaraqalpaqstandaǵı sport boyınsha jetiskenliklerdi jazıń.
3 – topar «Jaslar arasında sport».
4 – topar institut jasları arasında sportta qanday tabıslar bolıp atırǵanın jazıń.
5 – topar fakultetińizde sport boyınsha qanday jetiskenlikler bolıp atırǵanlıǵın jazıń.
23.5. Úyge tapsırma. Toparlarǵa bólinip «Tabıslar kóz aydın, sportshı jaslar» temasında prezentatsiya isleń.
Terminlerdi salıstırıń

Qaraqalpaqsha	Ózbekshe	Inglizshe
ráwish	ravish	adverb
waqıt	vaqt	time
sebep	sabab	reason
maqset	maqsad	purpose