Учебно-методический комплекс по "Энтомологии" подгатовлен на основе современной педтехнологии. Настоящий комплекс подготовлен на основании действующей

Uzunoyoqlilar - 
Tipulidae
 oilasi.
11 (10).
Subkostal tomiri(Sc)ning uchi erkin tugallangan yoki C tomiriga kelib 
qo‘shiladi. Jag‘ paypaslagichlarining oxirgi bo‘g‘imi
kalta, oldingi bo‘g‘imlariga 
nisbatan eng ko‘pi bilan 2 barobar uzun.
12(13).
Subkostal tomirining (Sc) uchi erkin tugallangan. Chivinlarining rangi 
sariq yoki kulrang, o‘rtacha kattalikda, uzunoyoqlilarga o‘xshash. Lichinkalari suvda 
yoki quruqlikda yashaydi va o‘simlik to‘qimasi bilan oziqlanadi.
Silindrotomidlar -
Cylindrotomidae
 oilasi. 
13(12).
Subkostal tomiri (Sc) C tomiriga kelib qo‘shilgan. Pashshalari 
uzunoyoqlilarga o‘xshash, lekin tanasi nisbatan kichikroq
yoki o‘rtacha kattalikda. 
Urg‘ochilari tuxumlarini suvga yoki botqoqlarga qo‘yadi. Lichinkalari saprofag, 
ba’zilari yirtqich.
Suv pashshalari -
Limoniidae
 oilasi.
14(5).
O‘rta yelkasi “V” shaklidagi ko‘ndalang choksiz.
15(16).
Qanot tomirlari uzun tuksiz yoki tangachasiz. Mo‘ylovining xivchini 
uzun, ingichka, biroz ajralgan bo‘g‘imli. Mo‘ylovining asosiy 2-bo‘g‘imi qisqa va 
yo‘g‘on. Chivinlari nozik, kichik (tanasining uzunligi 5 mm gacha), ingichka oyoqli, 
kalta va yo‘g‘on xartumli. Lichinkalari suv havzalarining qirg‘og‘ida yashaydi, 
lichinkalari tanasining ko‘pchilik qismi suvdan tashqarida, boshi va ketgi qismi suv 
sathining ostida bo‘ladi.
Suvda hamda quruqlikda yashovchi chivinlar -
Dixidae
 oilasi.
16(15).
Tomirlari va orqa qanot qirralari, tanasi hamda oyoqlari uzun tukli yoki 
tangachali.
17(18). 
Subkostal (Sc) tomiri juda ham kalta, erkin, tugallangan. Radial ustuni 
besh shoxli. Radial ustunining (R
2+3
) shoxlanishi qanoti o‘rtasiga yaqin joyda 
joylashgan. Qanotlari keng, tepasida biroz o‘tkirlashgan, tinch holatda burchak hosil 
qiladi. Xartumi uzun va ingichka. Urg‘ochilari kichik, qon so‘ruvchi.