U. X. Safarov, N. M. Karakulov

Respublikaning yoqilgi sanoati
ko’mir, neft va gaz sanoatlarini 
birlashtiradi. Ekibastuz havzasida ochiq usul bilan qazib olingan arzon ko’mir 
yirik IESlarda yoqiladi. Neft sanoat muhim o’rinni egallaydi. Mang’ishloq yarim 
orolida (Uzen, Jetiboy), Emba havzasida, Qizilo’rda viloyatidagi konlar hamda 
Atirau, Pavlodar, Chimkent neftni qayta ishlash zavodlari katta ahamiyatga egadir. 
Neft konlaridan neftni kayta ishlash zavodlariga quvurlar orqali neft yuboriladi. 
Qozog’istonda tabiiy gaz asosan janubiy Mang’ishloq va Ustyurt 
platolaridan, shuningdek, Emba va Mang’ishloq neft konlaridagi yo’ldosh 
gazlardan iboratdir. Qazib olingan gazning bir qismi o’sha joyning o’zidagi gazni 
qayta ishlash zavodlarida — Yangi Uzen, Janajol va Tengizda qayta ishlansa, 
asosiy qismi O’rta Osiyo—Markaz, Buxoro—Ural magistral gaz quvurlari orkali 
jo’natiladi.
Hozirgi kunda Qozog’istonda 45 mlrd. m. kub. gaz qazib olinadi. Ehtiyojni 
qondirish uchun esa 18 mlrd. m.kub. gaz kerak. Kelajakda gaz qazib olish 50-60 
mlrd. m. kubga yetishi mo’ljallanmoqda. 
Elektroenergetika sanoati
Respublika iqtisodiyotining muhim tarmog’idir. 
Asosan ko’mir va tabiiy gaz bilan ishlaydigan issiqlik elektr stantsiyalari 
elektroenergetikaning asosini tashkil etadi. Hozirgi paytda 8 ta IES, 50 ta issiqlik 
elektr markazlari, 20 ta GES ishlab turibdi. 
Qozog’iston mashinasozlik
majmuasi ko’p tarmoqli tarzda rivojlangan. 
Ularning ba’zilari: Astanadagi Qozoqselmash, Akmo’laselmash, Pavlodarda 
o’rmalovchi kuchli traktorlar ishlab chiqaradigan zavodlar ishlamoqda. Kustanay 
va Almatida turli qishloq xo’jalik mashinalari va ularning ehtiyot qismlari ishlab 
chiqariladi. Qaragandada tog’-kon uskunalari zavodi, Almatida tog’-metallurgiyasi 
va energetika uskunalari zavodlari, Atirauda neft sanoati uchun mashinalar ishlab 
chiqiradigan korxonalar bor. 1996 yilda Almati avtomobil remonti korxonalarida 
Rossiya bilan hamkorlikda yig’ish orqali turli xildagi og’ir yuk avtomabil 
mashinalar va avtobuslarni ishlab chiqarish yo’lga qo’yildi. 

---

206 
Kimyo sanoati
katta ahamiyatga egadir. Asosan boy mahalliy xom-ashyo 
asosida ishlaydi. Chimkent va Jambulda fosfarit o’g’itlari, Qarag’andada mineral 
o’g’itlar, Pavlodarda kimyoviy vositalar, Chimkentda avtomashina va traktor 
shinalari, Almati, Astana, Temirtauda plastmassa, lak bo’yoq, sintetik kauchik 
kabilar ishlab chiqariladi.
Qozog’istonda oziq-ovqat
sanoati orasida go’sht, sut mahsuloti ishlab 
chiqarish yaxshi rivojlangan. Qishloq xo’jalik xom ashyosi asosida yengil sanoatda 
qo’y terisi oshlash, charm—poyabzal, to’qimachilik rivojlangan.